ឯកឧត្តម ស្វាយ សំអ៊ាង អភិបាលរង នៃគណៈ អភិបាលខេត្តមណ្ឌលគិរី ព្រមទាំង អភិបាលស្រុកអូរាំង និងសមាជិកឃុំ កាលពីររសៀលថ្ងៃទី១៥ សីហា ឆ្នាំ២០១៤ បាន អញ្ចើញចុះទៅត្រួតពិនិត្យផ្លូវដែលជាកម្រោង សង្គ្រោះបន្ទាន់របស់ក្រសួងអភិវឌ្ឃន៏ជនបទ នៅភូមិអណ្តូងក្រឡឹង
ឃុំសែនមនោរម្យ ស្រុកអូររាំង ខេត្តមណ្ឌលគិរី។
លោក យ៉ន សារ៉ោម ប្រធានមន្ទីរអភិវឌ្ឃន៏ជនបទបានបញ្ជាក់ថាៈ ដោយប្រជាពល រដ្ឋនៅទីនោះ ពិសេស ជាជនជាតិដើមភាគតិចបានសំណូមពរឲ្យមន្ទីរអភិវឌ្ឃន៏ជនបទខេត្ត ធ្វើការជួសជុលផ្លូវ សម្រាប់ឲ្យប្រជាពលរដ្ឋធ្វើដំណើរឆ្លងកាត់ទៅមកបានស្រួល។ ហើយ ម្យ៉ាងទៀតនៅរដូវវស្សាទឹកបានជន់ហូរច្រោះដីខូចខាត់ស្ទើទាំងអស់។ ដូច្នេះបានជាមន្ទីរ អភិវឌ្ឃន៏ជនបទបានលើកគម្រោងទៅថ្នាក់ខេត្ត ក៏ដូចជារាជរដ្ឋាភិបាល ដើម្បីយកមក អនុវត្តធ្វើផ្លូវនេះនៅចុងខែកក្កដានិងបញ្ចប់នៅដើមខែសីហាឆ្នាំ២០១៤នេះ។ លោកប្រធាន មន្ទីរអភិវឌ្ឃន៏ជនបទបានបញ្ជាក់ទៀតថា ការរៀបចំជួសជុលផ្លូវដែលជាគម្រោងសង្គ្រោះ បន្ទាន់នេះចាប់ពីផ្លូវជាតិលេខ៧៦ រហូតដល់ភូមិអណ្តូងក្រឡឹងដែលមានប្រវែង ៥.០០០ម ទទឹង៥ម៉ែត្រ ដែលជាថវិការរបស់រាជរដ្ឋាភិបាល ផ្តល់ជូនតាមរយៈក្រសួងអភិវឌ្ឃន៏ជន បទ។
ឯកឧត្តម ស្វាយ សំអ៊ាង អភិបាលរង នៃគណៈអភិបាលអភិបាលខេត្តមណ្ឌលគិរី បានចុះទៅសំណេះសំណាលជាមួយអាជ្ញាធរភូមិ/ឃុំក៏ដូចជាប្រជាពលរដ្ឋនិងបញ្ជាក់ថា ផ្លូវនេះគឺជាការខិតខំប្រឹងប្រែងរបស់មន្ទីរអភិវឌ្ឃន៏ជនបទ និងការយកចិត្តទុកដាក់របស់ អាជ្ញាធរខេត្ត ក៏ដូចជារាជរដ្ឋាភិបាល ដើម្បីទុកជាចំណង់ដៃដល់ប្រជាពលរដ្ឋ ពិសេសជនជាតិដើមភាគតិចនៅភូមិអណ្តូងក្រឡឹង ងាយស្រួលក្នុងការធ្វើដំណើរទៅមក និងដឹកផលិតផលនានាទៅកាន់ទីផ្សារដើម្បីដោះដូរជីវភាពរបស់ពួកគាត់។ ឯកឧត្តមបាន បន្តទៀតថាៈការមានផ្លូវគឺជាក្តីសង្ឃឹមរបស់បងប្អូនប្រជាពលរដ្ឋយើងទូទៅ ហើយជួយ កាត់បន្ថយនូវភាពក្រីក្រ ។ ឯកឧត្តមបានមានមតិផ្តាំផ្ញើថាៈ សូមឲ្យបងប្អូនប្រជាពល ទាំងអស់ ចេះជួយថែរក្សាផ្លូវកុំឲ្យមានរថយន្តធំៗ និងរថយន្តផ្ទុកលើសទម្ងន់ធ្វើដំណើរឆ្លង កាត់នាំឲ្យខូចខាត់មិនបានប្រើប្រាស់យូរអង្វែង។
