បន្ទាយមានជ័យ៖ ប្រជាពលរដ្ឋដែលជាកម្មករប្រកបរបរអូសរទេះនៅច្រកទ្វារអន្តរជាតិខេត្តបន្ទាយមាជ័យ បានចោទប្រកាន់ថា៖មន្ត្រីគយប្រចាំការនៅក្បែរគល់ប្រាសាទនៃតំបន់ច្រកទ្វារអន្តរជាតិប៉ោយប៉ែតបានបង្គាប់ឲ្យពួកគាត់បង់ប្រាក់ពីរត្រួតពោលគឺ១បង់សម្រាប់ពន្ធនាំចូល២បង់លុយក្រៅផ្លូវការប្រចាំសប្តាហ៏។
កម្មករអ្នកប្រកបរបរអូសរទេះទាំងនោះបានឲ្យដឹងថា៖ សព្វថ្ងៃនេះមុខរបររបស់ពួកគាត់កំពុងជូបនិងបញ្ហាឧបសគ្គយ៉ាងធ្ងន់ធ្ងរស្ទើរដាច់បាយទៅហើយ ព្រោះគយគេរឹតបណ្តឹងខ្លាំងណាស់ដោយយកលេសថាថ្នាក់លើជាអ្នកបញ្ជាឲ្យពួកគាត់ធើ្វបែបនេះ ។
ស្ត្រីម្នាក់ដែលមានមុខរបរដឹកទំនិញនៅច្រកទ្វារប៉ោយប៉ែតដែរនោះក៏បានលើកឡើងដែរថា៖ សព្វថ្ងៃនេះនីតិវិធីរបស់គយគឺ គេតម្រូវឲ្យគាត់ទៅប្រកាស់ពន្ធនាំចូលនៅការិយាល័យគយហើយបង់ប្រាក់ពន្ធនាំចូលទំនិញ ចំណែកមួយផ្នែកទៀតគឺមេគយនៅគល់ប្រាសាទចំនួនពីរនាក់បានតម្រូវឲ្យគាត់បង់ប្រាក់ក្រៅផ្លូវការថ្លៃបាយទឹកផ្សេងទៀតផងដែរ។
ស្ត្រីដដែលនោះបានបន្តរថា៖សាច់ប្រាក់ដែលខ្លួនបានបង់ឲ្យគយនៅគល់ប្រាសាទនោះមួយសប្តាហ៏មិនតិចជាង៦០ម៉ឺនរៀលទេដូច្នេះប្រាក់ចំណេញរបស់គាត់ដែលប្រឹងប្រែងរកស៊ីនោះបានធ្លាក់ទៅដៃគយអស់ហើយ ។ ចំណែកកម្មករខ្លះទៀតក៏ត្រូវបានគយនៅទីនោះទាមទារឲ្បបង់ប្រាក់បន្ថែមទៀតដែរបើទោះណាជាថៅកែទំនិញបានបង់ប្រាក់ពន្ធនាំចូលនិងស៊កសៀតប្រាក់ក្រោមតុមួយចំនួនទៀតក៏ដោយចុះក៏មន្ត្រីគយនៅក្បែរគល់ប្រាសាទនោះនៅតែរករឿងកម្មករដដែលជាដដែល ៕
ដោយឡែកកម្មករម្នាក់ទៀតដែលគេស្គាល់ឈ្មោះយាយ ហយ បានលើកឡើងខុសពីកម្មករមុនៗថា៖គយនៅច្រកទ្វារប៉ោយប៉ែតនេះ មិនសូវបានរឹតបណ្តឹងដូចកាលពីមុនទេ ព្រោះសព្វថ្ងៃនេះគាត់បានទៅបង់ពន្ធនាំចូលទំនិញជាមួយស្ត្រីឈ្មោះថោងឡេង ព្រោះស្ត្រីឈ្មោះថោងឡេងជាអ្នកបង់ពន្ធផ្តាច់មុខនាំចូលទំនិញពីផ្សារថៃគ្រប់សារពើយាយ ហយ បានបញ្ជាក់ថា៖ពេលគាត់ត្រូវនាំទំនិញពីដីថៃមកកម្ពុជាគឺត្រូវតែឆ្លងកាត់ឈ្មោះថោងឡេងជាមុនសិនទើបបាន ពុំនោះទេមុខជាខកខ្លួនត្រូវគយចាប់ទំនិញនិងផាកពិន័យ ។
យ៉ាងណាក៏ដោយរឿងស្មុកស្មាញពាក់ពន្ធ័និងអំពើរពុករលួយរបស់មន្ត្រីគយនៅគល់ប្រាសាទព្រំដែនកម្ពុជាថៃបានកើតមានរៀងរាល់ថ្ងៃហាក់មានរឿងដែលតម្រូវឲ្យអង្គភាពប្រឆាំអំពើរពុករលួយគួរតែចាត់វិធានការដើម្បីធានាការកែទម្រង់ដ៏ស៊ីជម្រៅវិធានរបស់សម្តេចហ៊ុនសែនទាំង៤ចំណុចឲ្យមានប្រសិទ្ធិភាពខ្ពស់ ។
នៅព្រឹកថ្ងៃទី២១ខែកុម្ភឆ្នាំ២០១៤នេះលោក យិន ផល្លី ប្រធានក្រុមគយប្រចាំការក្បែរគល់ប្រាសាទព្រំដែនប៉ោយប៉ែត មិនអាចសុំការបំភ្លឺបានទេពាក់ពន្ធ័និងការចោទប្រកាន់របស់កម្មករថាលោកបានតម្រូវឲ្យមានការបង់ប្រាក់ក្រៅផ្លូវការនោះ ។ដោយ ជូបប្រហារ៖ រូបភាពថោងឡេងជូនកាដូរមន្ត្រីគយហួន ហៃ