ថ្ងៃទី១៩ខែសីហាឆ្នាំ២០១៤ឯកឧត្តម សៀក វណ្ណា អនុរដ្ឋលេខាធិការក្រសួងរៀបចំដែនដីនគររូបនីយកម្មសំណង់និងសុរិយោដីនិងជាតំណាងដ៏ខ្ពង់ខ្ពស់ឯកឧត្តមទេសរដ្ឋមន្ត្រី អ៊ឹមឈុនលឹមរដ្ឋមន្ត្រីក្រសួងរៀបចំដែនដីនគររូបនីយកម្មសំណង់និងសុរិយោដីបានអញ្ជើញជាអធិបតីក្នុងពិធី
បើក វគ្គបណ្តុះបណ្តាលស្តីពីនិតិវិធីនៃការដោះស្រាយ វិវាទដីធ្លីរបស់គណកម្មការសុរិយោដីពិធីនេះបានប្រារព្ធធ្វើនៅមន្ទីររៀបចំដែនដីសំណង់និងសុរិយោដីខេត្តពោធិសាត់ដែលមានការអញ្ជើញចូលរួមពីលោកមេឃុំនិងចៅសង្កាត់ចំនួន៤០រូប។លោកអេ ប៊ុនធឿន អនុប្រធានលេខាធិការរដ្ឋានគណកម្មការសុរិយោដីថ្នាក់ជាតិនិងលោកខូយរីដាអភិបាលរងនៃគណអភិបាលខេត្តបានសម្តែងនូវការកោតសរសើរ និង ដឹងគុណយ៉ាងជ្រាលជ្រៅ ជូនចំពោះឯកឧត្តមទេសរដ្ឋមន្ត្រីអ៊ឹមឈុនលឹមរដ្ឋមន្ត្រីក្រសួងរៀបចំដែនដីនគររូបនីយកម្មសំណង់និងសុរិយោដីដែលបានផ្តួចផ្តើមគំនិតរៀបចំវគ្គបណ្តុះបណ្តាលនេះឡើងសូមឲ្យសិក្ខាកាមទាំងអស់ត្រូវយកចិត្តទុកដាក់និងត្រូវខិតខំប្រឹងប្រឺងប្រែងរៀនសូត្រ។មានមតិសំណេះបើកវគ្គឯកឧត្តម សៀក វណ្ណា បានមានប្រសាសន៏ថាវគ្គបណ្តុះបណ្តាលនេះមានគោលបំណងសំខាន់ចង់ផ្តល់នូវចំណេះដឹងដល់សិក្ខាកាមដែលជាមេឃុំនិងចៅសង្កាត់ក្នុងការសម្របសម្រួលទស្សន:របស់ប្រជាពលរដ្ឋឲ្យមានការយោគយល់និងចេះអធ្យាស្រយ័គ្នាទៅវិញទៅមកក្នុងគោលដៅដើម្បីបំរើសេវាសាធារណ:នៅមូលដ្ឋានដែលមានចែងក្នុងច្បាប់ស្តីពីការគ្រប់រដ្ឋបាលឃុំសង្កាត់ចង់ឲ្យអាជ្ញាធរឃុំសង្កាត់ក្នុងនាមជាសមាជិកក្នុងយន្តការការដោះស្រាយវិវាទដីធ្លីរបស់គណកម្មការសុរិយោដីដែលបានកំណត់ដោយអនុក្រិត្យលេខ៤៧អនក្របកចុះថ្ងៃទី៣១ខែឧសភាឆ្នាំ២០០២ស្តីពីការរៀបចំនិងប្រព្រឹត្តិទៅនៃគណកម្មការសុរិយោដី។ចង់ផ្តល់ជូននូវសិក្ខាកាមនូវទ្រឹស្តីនិងបច្ចេកទសនៃការស៊ើបអង្កេតការសម្រុះសម្រួល វិវាទដីធ្លី គោលដៅសំខាន់នៃការដោះស្រាយវិវាទក្រៅប្រពន្ធ័តុលាការ ។ ចង់ឲ្យសិក្ខាកាមយកចំណេះដឹងទាំងឡាយដែលទទួលបានពីវគ្គបណ្តុះបណ្តាលនេះទៅធ្វើការវិវាទដោះស្រាយដីធ្លីនៅមូលដ្ឋានឲ្យបានកាន់តែច្រើនឡើងៗប្រកបដោយប្រសិទ្ធិភាព និងយុត្តិធម៌ វគ្គបណ្តុះបណ្តាលនេះ និងប្រព្រឹត្តិទៅ រយ:ពេល២ ថ្ងៃចាប់ពីថ្ងៃទី១៩ ដល់ថ្ងៃ២០ខែសីហា ២០១៤ដែលប្រធានបទសម្រាប់វគ្គបណ្តុះបណ្តាលមានតួរនាទីនិងភារកិច្ចអាជ្ញាធរឃុំសង្កាត់ក្នុងការដោះស្រាយវិវាទដីធ្លីនិងខ្លឹមសារសំខាន់នៃច្បាប់ភូមិបាលនិងរបៀបដោះស្រាយទំនាស់ដីធ្លី ។
