(ខេត្តព្រៃវែង) ខ្លឹបកំសានរាត្រីមានយីហោ សិប្បតីម៉ាត មានទីតាំងនៅកំពង់ចម្លងអ្នកលឿង ក្នុងភូមិ២ ឃុំព្រែកខ្សាយ “ខ” ស្រុកពាមរក៍ ខេត្តព្រៃវែង កំពង់បង្កផលប៉ះពាល់យ៉ាងខ្លាំងដល់ប្រជាពលរដ្ឋដែលមានលំនៅ ដ្ឋានក្បែក្លឹបកំសាន្តមួយនេះរៀងរាល់រាត្រី។ បើកសំឡេងលឺខ្លាំងលាន់គងរពងរំជួយដីតាំងពីប្រលប់រហូតដល់ ម៉ោង២រំលងអធ្រាត្រធ្វើអោយពួកគាត់រកដេកពួនមិនបាន ។
ប្រភពខាងលើបានបន្តទៀតថាៈ ក្លឹបកំសាន្តដីសស្កូសិប្បតីម៉ាតបើកដំណើរការយូរឆ្នាំមកហើយ បង្កការ រំខានដល់ការរស់នៅរបស់បងប្អូនប្រជាពលរដ្ឋ ដោយសារឧបករណ៍បំពងសំឡេងលាន់លឺកក្រើកមេឃ មិន ដែលឃើញសមត្ថកិច្ចមន្ត្រីពាក់ព័ន្ធចុះមកហាមឃាត់ អប់រំម្ចាស់ក្លឹបនេះអោយចេះគោរពសិទ្ធពេលវេលារបស់អ្នក ជិតខាងម្តងណានោះទេ ។
ទុកអោយម្ចាស់ក្លឹបកំសាន្តសិប្បតីម៉ាតបានចិត្តរិតតែបើកសំឡេងលឺកាន់តែខ្លាំងជាង មុន មិនតែប៉ុណ្ណោះក៏មានសំឡេងហោកញ្ច្រៀវរបស់ក្រុមក្មេងស្ទាវស្រែកហោទះដៃរហូតដល់ម៉ោង ១២ទៅ ម៉ោង ២រំលងអធ្រាត្ររៀងរាល់យប់ធ្វើអោយពួកគាត់ពិបាកទ្រាំខ្លាំងណាស់ ។ ចំណែកម្ចាស់ក្លឹបកំសាន្តរាត្រីសិប្បតីម៉ាតបានប្រាប់កម្ពុជាថ្មីតាមទូរស័ព្ទថា កន្លងមកក្លឹបរបស់គាត់ បាន បើកសំឡេងលឺខ្លាំងមែន ចាប់ពីថ្ងៃនេះទៅ
គាត់នឹងបន្ថយសំឡេងកុំអោយរំខានដល់បងប្អូនដែលនៅក្បែក្លឹប របស់គាត់ ហើយគាត់នឹងបិតនៅវេលាម៉ោង ១១ ឬ ១២ ប៉ុណ្ណោះ មិនដែលដល់ម៉ោង ២រំលងអធ្រាត្រនោះទេ។ ប្រជាពលរដ្ឋដែលរស់នៅក្បែក្លឹបកំសាន្តរាត្រីសិប្បតីម៉ាត សូមសំណូមពរយ៉ាងទទូចដល់លោកអភិបាល ខេត្តព្រៃវែង មេត្តាចាត់វិធានការចុះហាមឃាត់ក្លឹបកំសានរាត្រី ដែលធ្វើព្យុះធ្វើភ្លៀងស្រេចអំពើចិត្ត ដើម្បី ប្រយោជន៏ខ្លួនឯងមិនគិតពីផលប៉ះពាល់ដល់អ្នកដទៃ ។