កណ្តាល ៖ ក្មេងស្រីអាយុ២អោនយកកាទឹកដាំក្បាលច្រមុជចូលក្នុងពាងទឹកស្លាប់យ៉ាងអាណោច អាធម៌ ។ ហេតុការណ៍នេះកើតឡើងនៅវេលាម៉ោង៨ និង៤៥នាទីព្រឹកថ្ងៃទី២១ ខែសីហា ឆ្នាំ២០១៤ នៅឃុំខ្ពបអាងាវ ស្រុកលើកដែក ខេត្តកណ្តាល នៅផ្ទះអ៊ំរបស់ក្មេងស្រីរងគ្រោះ ។ ក្មេងស្រីស្លាប់បាត់បង់ជីវិតនៅក្នុងពាងទឹកឈ្មោះ ជូ គឹមរ៉ុង ភេទស្រី អាយុ២ឆ្នាំ រស់នៅភូមិ-ឃុំកើតហេតុខាងលើ ។
តាមការរៀបរាប់ពីអ៊ំបង្កើតរបស់ក្មេងស្រីរងគ្រោះបានឲ្យដឹងថារៀងរាល់ថ្ងៃក្មួយស្រីតូចរបស់គាត់តែងតែមកលេងផ្ទះគាត់ប្រហែលជាក្មួយស្រីរូបនេះអោនយកកាទឹកដើម្បីដងទឹកផឹក ចៃដន្យដាំក្បាលច្រមុជឈ្លក់ទឹកស្លាប់តែម្តង ។ នៅក្នុងថ្ងៃកើតហេតុអ៊ំបង្កើតក្មេងស្រីរងគ្រោះបានបាត់ក្មួយអត់ឃើញ គាត់បានដើររកមើលតាមផ្ទះអ្នកស្រុកជិតខាង និងដើរមើលជុំវិញផ្ទះរបស់គាត់នៅតែអត់ឃើញ ។ ពេលនោះគាត់មិនអស់ចិត្តបានដើរអើតមើលក្នុងពាងទឹកស្រាប់តែប្រទះឃើញក្មួយស្រីសំណប់ចិត្តស្លាប់បាត់បង់ជីវិតនៅក្នុងពាងទឹកបាត់ទៅហើយ ៕
