នៅព្រឹកថ្ងៃទី២៤.០៨.២០១៤ លោក ស្រី បេន ប្រធានក្រុមប្រឹក្សាខេត្តតាកែវ និងជាប្រធានកិត្តិយស និង លោកស្រី នូ សុវណ្ណនី អភិបាលរងខេត្តតាកែវ និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តតាកែវ រួមដមណើរជាមួយមន្ត្រីក្រោមឳវាត បាននាំណោយរបស់សាខាកាកបាទក្រហមកម្ពុជាខេត្តតាកែវ ជាប្រេងម៉ាស៊ូតចំនួន ៤០០លីត្រ នៅស្ថានីយ៍ពុតសាំ មន្ទីរកសិកម្ម ខេត្តតាកែវ ជួយឧបត្ថម្ភ ៣០០
លីត្របន្ថែមទៀត និង ស្ថានីយ៍មួយកន្លែងទៀត បានឧបត្ថម្ភដូចខាងលើ យោងតាមសំដីលោក ជី ជឹម មេឃុំសំបួរ ស្រុកទ្រាំង ខេត្តតាកែវ បានអោយដឹងផងដែរថា នៅរដូវវស្សាឆ្នាំនេះនៅទឹកដីឃុំសំបួរយើងបាននឹងកំពុងជួបប្រទះគ្រោះ រាំស្ងួតចំពេលដកស្ទួងហើយស្ថានីយ៍បូមទឹក ពត់តាសាម់ បំរើអោយស្រោចស្រប់ លើផ្ទៃដី ១៥៣៤ហិចតា នេះជាប្រឡាយមេ ហើយ លោកបានថ្លែងអំណរគុណដល់អស់លោក លោកស្រីប្រធាន អនុប្រធាន សាខាកាកបាទក្រហមកម្ពុជាខេត្តតាកែវ បានយកចិត្តទុកដាក់ គិតគូរ ជួយឧបត្ថម្ភ ជានិច្ច អោយតែមានគ្រោះមហន្តរាយផ្សេងៗ កើតមាននៅទីណាក៏ដោយ គឺមានតែកាកកាបាទក្រហម ទេ ដែលបានយកចិត្តទុកដាក់ជួយសង្គ្រោះបងប្អូនប្រជាពលរដ្ឋ យើងទាំងថ្នាក់លើរហូតមកដល់ថ្នាក់ក្រោម មិនថា ពេលនេះ រឺឆ្នាំនេះ ទេ ជារៀងរាក់ឆ្នាំគឺជួយរហូត។
លោក ស្រី បេន ប្រធានក្រុមប្រឹក្សាខេត្តតាកែវ និងប្រធានកិត្តិយស បានមានប្រសាសន៍សំណេះ សំណាលជាមួយបងប្អូនប្រជាពលរដ្ឋឃុំសំបួរនេះថា ៖ ថ្ងៃនេះសាខាកាកបាទក្រហមកម្ពុជាខេត្តតាកែវយើង បានពាំនាំយកអំណោយ ជាប្រេងមកជូនបងប្អូន កំពុងជួបគ្រោះធម្មជាតិ គឺ រាំងស្ងួត អោយចំរដូវដកស្ទួងស្រូវវស្សា ហើយអំណោយទាំងអស់នេះជាអំនោយ របស់សម្តេចបណ្ឌិត ប៊ុន រ៉ានី ជាប្រធានបានផ្តល់ជូនបងប្អូននាឳកាសនេះផងដែរចំនួន ២ ស្ថានីយ៍ ត្រូវជូន ៧០០លីត្រ ហើយ អំណោយទាំងនេះទោះជាតិចតួចក្តីក៏បានជួយរំលែកទុក្ខមកដល់បងប្អូនដែរ នេះជាគុណបំណាច់ដ៏ថ្លៃថ្លារបស់ថ្នាក់ដឹកនាំកំពូលរបស់ យើង គាត់តែងតែគិតគូនឹករលឹកមកដល់បងប្អូនជានិច្ច។