នៅព្រឹកថ្ងៃទី២៥.០៨.២០១៤ លោកឧត្តមសេនីយ៍ត្រី ឡា ឡៃ មេបញ្ជាការកងរាជអាវុធហត្ថខេត្តតាកែវ អញ្ជើញជាអថិបតីក្នុង ពិធី កិច្ចប្រជុំបូកសរុបលទ្ធផលការងារប្រចាំខែសីហា និងលើទិសដៅអនុវត្តន៍ការងារខែកញ្ញាឆ្នាំ២០១៤បន្តទៀត។ កិច្ចប្រជុំនេះផងដែរមានការអញ្ជើញចូលរួមពីសំណាក់លោកមេបញ្ជាការស្រុកទាំង៩ និងក្រុង១ ។
លោកនាយការិយាល័យទាំងអស់ចំណុះអោយ ទីបញ្ជាការខេត្តតាកែវក្នុងកិច្ចប្រជុំនេះផងដែរ លោកឧត្តមសេនីយ៍ត្រី ឡា ឡៃ មេបញ្ជាការកងរាជអាវុធហត្ថខេត្តតាកែវបានមាន ប្រសាសន៍ថា ៖ យើងបានអនុវត្តន៍ការងារខែកន្លងមកនេះហើយយើងឃើញថាបានល្អប្រសើរ តែទោះបីជាយ៉ាងណាក៏ដោយ ក៏យើង ត្រូវតែបន្តអនុវត្តន៍ការងារនិងយកចិត្តទុកដាក់អោយបានល្អិតល្អន់ និងមានការទំនាក់ទំនងជាមួយអាជ្ញាធ័រមូលដ្ឋានរបស់គ្រប់គ្រង អោយកាន់តែស្និតស្នាលរវាងអាជ្ញាធ័រ និងកងកម្លាំង និងគោរពវិន័យបទបញ្ជារផ្ទៃក្នុងរបស់កងទ័ពអោយល្អជួយសង្គ្រោះបងប្អូន ប្រជាពលរដ្ឋពេលមានបញ្ហាកើតឡើងនៅតាមបណ្តាមូលដ្ឋាន ។
លោកឧត្តមសេនីយ៍ត្រីមេបញ្ជាការបានមានប្រសាសន៍បន្តថា ៖ ហាមដាច់ខាតក្នុងម៉ោងធ្វើការត្រូវពាក់ឯកសណ្ឋានអោយបានគ្រប់គ្រាន់ត្រឹមត្រូវជាកងកម្លាំងហើយ តាមបណ្តាស្រុកក្រុងទាំង១០ ត្រូវត្រៀមលក្ខណៈសង្គ្រោះ និងជួយសង្គ្រោះដល់បងប្អូនប្រជាពលរដ្ឋនៅតាមមូលដ្ឋានរបស់ខ្លួនគ្រប់គ្រងហើយក្តាប់អោយកាន់តែ ណែណនៅរាល់សកម្មភាពទាំងឡាយ ងាយស្រួល និងទប់ស្កាត់ និង រាយការណ៍ជាបន្ទាន់មកទីបញ្ជាការខេត្ត ហើយហាមដាច់ខាត នៅរៀងរាល់ល្ងាចផឹកស្រាស្រវឹងពេលមានអ្វីកើតឡើងជួបតែអ្នកស្រវឹង បើយ៉ាងនេះបាត់បង់នូវវិន័យ
កងកម្លាំង ដូច្នេះ នាយអាវុធ ហត្ថ ពលអាវុធហត្ថ ទាំងអស់ត្រូវដុះក្អែលដោយខ្លួនឯងព្រោះដល់ដំណាក់ការនេះទៅហើយត្រូវចេះធ្វើការដោយមានការប្រុងប្រយ័ត្ន បំផុត និងយកចិត្តទុកដាក់ផ្តោតទៅលើដីធ្លីទីបញ្ជាការរបស់ខ្លួននៅតាមបណ្តាស្រុកនីមួយៗ អោយមានឯកសារច្បាស់លាស់ ដើម្បី ចម្លងជូនទៅផ្ទៃប្រទេស ហើយគ្រប់អាវុធជាតិផ្ទុះអោយបានត្រឹមត្រូវ។