ភ្នំពេញ៖ ជនសង្ស័យម្នាក់ដែលជាមេក្លោងនាំមនុស្សឆ្លងដែនទៅធ្វើការនៅក្រៅស្រុកដោយខុសច្បាប់ត្រូវបានសមត្ថកិច្ចនគរបាលការិយាលយ័ប្រឆាំងការជួញដូរមនុស្ស និង ការពារអនីតិជន រាជធានីភ្នំភេញ ឃាត់ខ្លួនជាក់ស្តែង កាលពីរសៀលថ្ងៃទី២២ ខែកុម្ភះ ឆ្នាំ ២០១៤ នៅចំណុចខាងមុខរោងភាពយន្តចេនឡា ។
ដោយសារតែជនសង្ស័យបាននាំជនរងគ្រោះចំនួន ១៥ នាក់ ខុសច្បាប់ទៅធ្វើការនៅប្រទេសថៃ។ លោកវរសេនីយ៍ត្រី ផាត់ ផល្លា នាយរងការិយាល័យ ប្រឆាំងការជួញដូរមនុស្ស និងការពារអនីតិជនរាជធានីភ្នំពេញបានអោយដឹងថា ដោយសារតែសមត្ថកិច្ចនគរបាលខណ្ឌទួលគោកមានការសង្សយ័ទៅលើក្រុមមនុស្សជាច្រើននាក់ដោយឃើញមានឥវ៉ាន់ សំពីងសំពោង ទើបសមត្ថកិច្ចមូលដ្ឋានបានសួរនាំជនរងគ្រោះទាំងអស់នោះ ទើបដឹងថាជាការនាំមនុស្ស ឆ្លងដែនទៅធ្វើការនៅប្រទេសក្រៅដោយខុសច្បាប់។
ក្រោយក៍បានរាយការណ៍មកការិយាល័យប្រឆាំងការជួញដូរមនុស្ស និងការពារអនីតិជន ដើម្បីមានវិធានការនិងការទប់ស្កាត់ភ្លាមៗផងដែរ។ បន្ទាប់មកកម្លាំងជំនាញក៍បានសុំគោលការណែនាំពីលោកឧត្តមសេនីយ៍ត្រី ព្រុំ សន្ធរ ស្នងការរងនគរបាលរាជធានីភ្នំពេញ និង លោក កែវ ធា នាយការិយាល័យបានបញ្ជាឲ្យសមត្ថកិច្ចចុះទៅឃាត់ខ្លួនមេខ្លោងម្នាក់នេះ និង នាំជនរងគ្រោះទាំង១៥នាក់ មកសួរនាំបន្តទៀត សូមបញ្ញាក់ថាជនរងគ្រោះទាំងអស់មានស្រុកកំណើតនៅស្រុក ពញាក្រែក ខេត្តកំពង់ចាម ។
លោកបានបន្តថា ជនសង្ស័យដែលជាមេក្លោងម្នាក់នេះឈ្មោះ ហាយ សេង អាយុ ៥០ ឆ្នាំ រស់នៅភូមិតោកពន ឃុំ តោកពន ស្រុកបូរីជលសារ ខេត្តតាកែវ ។ ដោយឡែក ជនរងគ្រោះទាំង១៥នាក់ ក្នុងនោះមានស្រី៥នាក់ កន្លងមកជនសង្ស័យខាងលើគេតែងតែនាំមនុស្សឆ្លងដែនយកទៅធ្វើការដោយខុសច្បាប់នៅប្រទេសក្រៅហើយមានមេខ្លោងធំ នៅក្រៅប្រទេសជាអ្នកចាំទទួលតែម្តង។ នៅពេលដែល ជនសង្ស័យខាងលើនេះបាននាំជនរងគ្រោះទៅដល់ព្រំដែន និង ឆ្លងទៅប្រទេសថៃ គឺជនរងគ្រោះទាំងអស់ត្រូវបង់លុយចំនួន១៥០ដុល្លារក្នុងម្នាក់ ទៅឲ្យគេដែលលុយទាំងនេះភាគច្រើនជនរងគ្រោះទៅចងការគេ ។
ជនរងគ្រោះទាំង១៥នាក់ ត្រូវបានមេខ្លោងខាងលើលួងលោម និងទាក់ទងគ្នាតាមទូរសព្ទ័គ្រោងនាំទៅធ្វើការនៅរោងចក្រផលិតស្ករស ក្នុងប្រទេសថៃដោយគ្មានលិខិតឆ្លងដែននោះឡើយ។ លោកបានអំពាវនាវដល់ប្រជាពលរដ្ឋទាំងអស់មិនត្រូវចាញ់បោកមេខ្យល់ និង ការឆបោកឲ្យធ្វើការដោយខុសច្បាប់នៅបរទេសនោះទេគឺប្រឈមមុខយ៉ាងខ្លាំងដែលពលករជាច្រើននាក់បានជួបប្រទះ នៅបញ្ហា។
ទោះបីជាយ៉ាងណាក៏ដោយ ក្រោយការអប់រំជនរងគ្រោះទាំង១៥នាក់ នឹង ត្រូវអនុញ្ញាតឲ្យវិលត្រឡប់ទៅផ្ទះវិញសំបែងវិញ ។.បច្ចុបន្នជនសង្ស័យកំពុងឃុំខ្លួនជាបណ្តោះអាសន្ន នៅការិយាល័យប្រឆាំងការជួញដូរមនុស្សនិងការពារអានីតិជនរាជធានីភ្នំពេញ ដើម្បីកសាងសំណុំរឿងបញ្ជូន ទៅកាន់តុលាការចាត់ការតាមផ្លូវច្បាប់៕
