ខេត្តព្រះវិហារ៖ ថ្នាក់ដឹកនាំក្រុមការងារថ្នាក់ជាតិ បានធ្វើការជម្រុញទៅដល់ អាជ្ញាធរនៅគ្រប់មូលដ្ឋានក្នុងខេត្តព្រះវិហារ ត្រូវបន្តលើកកំពស់ ការរក្សាការពារឲ្យបាន ខ្ជាប់ខ្ជួន និងពង្រឹងបន្ថែមទៀត នូវការអនុវត្តកម្មវិធីនយោបាយចតុកោណ ជាយុទ្ធ សាស្ត្ររបស់រាជរដ្ឋាភិបាល ដំណាក់កាលទី៣ អណត្តិទី៥ នៃរដ្ឋសភាជាតិ ដើម្បីបន្ត និរន្តរភាព លើការរក្សាសន្តិសុខ សណ្តាប់ធ្នាប់ល្អ ជូនប្រជាពលរដ្ឋនៅក្នុងមូលដ្ឋាន ឲ្យ បានកាន់តែមានភាពប្រសើរឡើង ។
ការជម្រុញខាងលើនោះ បានធ្វើឡើងនៅថ្ងៃសៅរ៏ទី២២កុម្ភះ ចុងសប្តាហ៏កន្លង ទៅ នៅសាលាខេត្តព្រះវិហារ ក្រោមអធិបតីភាពឯកឧត្តម នាយឧត្តមសេនីយ៏មាស សុភា អគ្គមេបញ្ជាការរង និងជាមេបញ្ជាការកងទ័ពជើងគោក នៃកងយោធពលខេមរៈ ភូមិន្ទ និងជាប្រធានក្រុមការងារថ្នាក់ជាតិចុះមូលដ្ឋាន ដើម្បីត្រួតពិនិត្យ និងគាំទ្រការ អនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិ បាលកម្ពុជា ក្រោមការចូលរួមពីពីសំណាក់ឯកឧត្តមអ៊ុំ ម៉ារ៉ា អភិបាល នៃគណៈ អភិបាលខេត្តព្រះវិហារ អភិបាលក្រុង ស្រុក មេឃុំ ចៅសង្កាត់ ថ្នាក់ដឹកនាំមន្ទីរ អង្គភាពចំណុះជុំវិញខេត្ត ជាច្រើនរយនាក់ ។
អភិបាល នៃគណៈអភិបាលខេត្តព្រះវិហារ ឯកឧត្តមអ៊ុំ ម៉ារ៉ា បានឡើងថ្លែងនៅ ក្នុងកិច្ចប្រជុំផ្សព្វផ្សាយសមាសភាពក្រុមការងារថ្នាក់ជាតិ ថ្នាក់ខេត្ត ថ្នាក់ក្រុង និងថ្នាក់ ស្រុក ចុះមូលដ្ឋានដើម្បីត្រួតពិនិត្យ និគាំទ្រការអនុវត្តកម្មវិធីនយោបាយ និងយុទ្ធសា ស្ត្រចតុកោណដំណាក់កាលទី៣ របស់រាជរដ្ឋាភិបាលកម្ពុជា និងលិខិតបទដ្ឋាននានា ពាក់ព័ន្ធខេត្តព្រះវិហារ ស្តីពី កត្តាភូមិសាស្ត្រ សេដ្ឋកិច្ច និងនយោបាយ ការប្រកបរបរ រកទទួលទានប្រចាំថ្ងៃ របស់ប្រជាពលរដ្ឋនៅទូទាំងខេត្ត ជូនកិច្ចប្រជុំទាំងមូល ។
ក្នុងរបាយការណ៏ដដែលនោះ ឯកឧត្តម គណៈអភិបាលខេត្ត បានបញ្ជាក់ថា នៅក្នុងឆ្នាំ២០១៣កន្លងទៅ មានប្រជាពលរដ្ឋចំនួន៣៥នាក់ត្រូវបានទាហានថៃចាប់ខ្លួន បាញ់ឲ្យរបួសទាំងធ្ងន់ និងស្រាលមានចំនួន៤នាក់ បាត់ខ្លួន៣នាក់ និងស្លាប់ដោយសារ ការបាញ់ប្រហារចំនួន១២នាក់ផងដែរ គ្រាដែលជនរងគ្រោះទាំងនោះ ចាញ់បោកមេ ខ្យល់បំផុសឲ្យចូលទៅកាប់ឈើក្រញូង នៅក្នុងទឹកដីថៃដោយខុសច្បាប់ ហើយអាជ្ញា ធរបានចាត់វិធានការ តាមការប្រជុំផ្សព្វផ្សាយ ។
បន្ទាប់មក ឯកឧត្តម បានធ្វើការ ជម្រុញបន្ថែមទៀត ទៅដល់ថ្នាក់ដឹកនាំនៅគ្រប់លំដាប់ថ្នាក់ទាំងអស់ ក្នុងមូលដ្ឋាន ក្រោមឧិវាទខេត្ត ត្រូវតែបន្តយកចិត្តទុកដាក់ ធ្វើការផ្សព្វផ្សាយឲ្យបានទូលំទូលាយ ទៅ ដល់ប្រជាពលរដ្ឋនៅគ្រប់មូលដ្ឋាន ឲ្យបញ្ឈប់ជាបន្ទាន់ នូវការលួចឆ្លងដែនដោយខុស ច្បាប់ ឈប់ចាញ់ល្បិចវកិច្ចកល នូវការឃោសនាបោកប្រាស់ ពីក្រុមមេខ្យល់ លួងឲ្យ លួចចូលទៅ កាប់ឈើក្រញូងនៅក្នុងទឹកដីថៃដោយខុសច្បាប់ ដើម្បីបញ្ចៀសបាននូវ ការចាប់ខ្លួន និងការបាញ់ប្រហារជាដើម។ល។
ហើយត្រូវងាកមកប្រកបរបរសុច្ចរិត តាមបែបប្រពលវប្បកម្ម នៅក្នុងស្រុករបស់ខ្លួនវិញ ដើម្បីធានាបាននូវសុខ សុវត្ថិភាព និងមានជីវភាពរុងរឿង កាត់បន្ថយបាននូវភាពក្រីក្រទាំងអស់គ្នា ។ អគ្គមេបញ្ជាការរង និងជាមេបញ្ជាការកងទ័ពជើងគោក នៃកងយោធពលខេម រៈភូមិន្ទ និងជាប្រធានក្រុមការងារថ្នាក់ជាតិចុះមូលដ្ឋាន ដើម្បីត្រួតពិនិត្យ និងគាំទ្រការ អនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី
៣ របស់រាជរដ្ឋាភិ បាលកម្ពុជា ឯកឧត្តម នាយឧត្តមសេនីយ៏មាស សុភា បានថ្លែងកោតសរសើរទៅដល់ អាជ្ញាធរខេត្តព្រះវិហារ ក៏ដូចជាកងកម្លាំងប្រដាប់អាវុធគ្រប់ប្រភេទទាំងអស់ ក្នុងដែនដី ខេត្ត ដែលរយះពេលកន្លងមក ក៏ដូចជានៅគ្រាបច្ចុប្បន្ន បានខិតខំលះបង់អស់កម្លាំង កាយ និងចិត្ត ធ្វើអ្វីៗដើម្បីបុព្វហេតុជាតិ មានតុភូមិ និងប្រជាពលរដ្ឋ និងបានអនុវត្តទៅ តាមកម្មវិធីនយោបាយយុទ្ធសាស្ត្រចតុកោណ ដែលរាជរដ្ឋាភិបាលបានដាក់ចុះ ជាពិ សេស គោលនយោបាយភូមិ ឃុំ មានសុវត្ថិភាព ។
ឯកឧត្តម នាយឧត្តមសេនីយ៏ ក៏បានជម្រុញ និងផ្សព្វផ្សាយបន្ថែមទៀត ទៅដល់ អាជ្ញាធរខេត្ត និងនៅគ្រប់មូលដ្ឋានទាំងអស់ ត្រូវតែបន្តយន្តការ ការងាររបស់ខ្លួនជា ធម្មតា នៅក្នុងស្ថាប័នរដ្ឋនិមួយៗ ដោយមិនមានពាក់ព័ន្ធទៅនឹងការរាំងស្ទះ ខាងផ្នែក នយោបាយនោះឡើយ ។
ហើយធ្វើយ៉ាងណា អនុវត្តជូនប្រជាពលរដ្ឋឲ្យបាន នូវគោល នយោបានភូមិ ឃុំ មានសុវត្ថិភាពទាំង៩ចំណុច ដែលរាជរដ្ឋាភិបាលបានដាក់ចុះ ត្រូវ រួមគ្នាខិតខំស្តារឡើងវិញ នូវខឿនសេដ្ឋកិច្ចជាតិ ដែលថ្មីៗនេះក្រុមប្រឆាំងបានឲ្យ មាន ការធ្លាក់ចុះ ត្រូវជួយដោះស្រាយនូវវិបត្តិនានាជូនប្រជាពលរដ្ឋ ជាពិសេស បញ្ហាទំ នាស់ដីធ្លី រវាងប្រជាពលរដ្ឋ និងក្រុមហ៊ុនមួយចំនួន និងចុងក្រោយ ត្រូវតែបន្តយកចិត្ត ទុកដាក់ ទៅដល់គ្រួសារយោធិន ដែលបានពលី ពិការនៅក្នុងសម័យសង្គ្រាម ដែលគ្រា បច្ចុប្បន្ន ពួកគាត់បានបាត់បង់សមត្ថភាព ក្នុងការបំពេញតួនាទីជាកងទ័ព ប្រាក់សោ ធននិវឌ្ឍន៏ ត្រូវតែបើកជូនពួកគាត់ឲ្យបានទៀតទាត់ពេលវេលា ៕ ខ្ញុំបាទ យ៉ែម ណាល់ ធ្វើសេចក្ដីរាយការណ៏ពីខេត្តព្រះវិហារ ថ្ងៃទី23 ខែកុម្ភះ ឆ្នាំ2014៕
