ប៉ៃលិន ៖ ដោយសារមានការគិតខ្លីបណ្តាលឲ្យយុវជនម្នាក់ សំងំផឹកថ្នាំបាញ់ស្មៅ ក្រោមផ្ទះម្នាក់ឯងធ្វើអត្តឃាត ប៉ុន្ដែមិនបានសម្រេចនោះទេ ព្រោះតែថ្នាំធ្វើទុក្ខខ្លាំងពេក ត្រួវបានក្រុមគ្រួសារជួយដឹកបញ្ជូន ទៅកាន់មន្ទីរពេទ្យបង្អែកខេត្ត។ ហេតុការណ៍យុវជនគិតខ្លីប៉ងសម្លាប់ខ្លួននេះ
បង្កឲ្យមានការភ្ញាក់ផ្អើល នៅវេលាម៉ោង១១និង៣០ នាទីព្រឹកថ្ងៃទី១ ខែកញ្ញា ឆ្នាំ២០១៤ នៅក្នុងភូមិបុសស្អំ ឃុំស្ទឹងកាច់ ស្រុកសាលាក្រៅ ខេត្ដប៉ៃលិន ។
យុវជនរងគ្រោះឈ្មោះ ឈួន សុខ អាយុ២២ឆ្នាំ ជាកសិករ មានទីលំនៅភូមិ ឃុំ កើតហេតុខាងលើ ។
ប្រភពព័ត៌មាននៅកន្លែងកើតហេតុ បានឲ្យដឹងថា៖ មុនពេលកើតហេតុ គេឃើញជនរងគ្រោះ និយាយទូរស័ព្ទជាមួយសង្សារ ក្រោយមកក៏រត់ចូលទៅក្រោមផ្ទះ សំងំផឹកថ្នាំពុល បម្រុងធ្វើអត្តឃាត ប៉ុន្តែមិនបានសម្រេច ដោយថ្នាំធ្វើទុក្ខខ្លាំងពេកក៏ស្រែកឲ្យបងប្អួនជួយ ឃើញដូច្នេះ ក្រុមគ្រួសារបានដឹកបញ្ជូនមកសង្គ្រោះនៅមន្ទីរពេទ្យបង្អែកខេត្តប៉ៃលិនភ្លាមៗ ។ ប្រភពបន្តថា៖ ពេលដល់មន្ទីរពេទ្យ ក្រុមគ្រូពេទ្យ បានជួយសុលទឹកលាងសម្អាតក្នុងក្រពេះ ឲ្យបានស្អាត ហើយជនរងគ្រោះក៏បានដឹងខ្លួនឡើងវិញ ។
ប្រភពព័ត៌មានពីជនរងគ្រោះបានឲ្យដឹងថា៖ នៅវេលាម៉ោងកើតហេតុខាងលើ ជនរងគ្រោះបាននិយាយទូរស័ព្ទ ជាមួយសង្សារខ្លូន ពេលនោះនាងជាសង្សារដែលខ្លួន ស្រឡាញស្មើជិវិត បែរជាសុំបែកផ្លួវពីជនរងគ្រោះ ។ ប្រភពបន្តថា៖ក្រោយមកជនរងគ្រោះបានឃើញ សង្សាររបស់ខ្លួនជិៈម៉ូតូអោបចង្កេះមនុស្សប្រុសផ្សេងទៀត ពេលនោះរូបគេបានស្ទាក់សួរ ត្រួវបាននាងជាសង្សារនិយាយថា ជាបងជីដូនមួយរបស់នាង ព្រមទាំងនិយាយលេបខាយថាធ្លាប់ស្គាល់ចិត្ត ស្គាល់ថ្លើមគ្នា និងមានម៉ូតូល្អៗជិៈ ,ជាកូនអ្នកមានម្នាក់នៅស្រុកសាលាក្រៅផងដែរ ដោយឃើញនារីដែលខ្លួនស្រសាញ ដាច់ចិត្តសុំបែកផ្លួវ ជនរងគ្រោះមានការតូចចិត្តជាខ្លាំង ទើបផឹកថ្នាំពុលដើម្បីបញ្ចប់ជីវិត ។ ជនរងគ្រោះបន្តទៀតថា៖ រូបគេបានផឹកថ្នាំពុលអស់ចំនួន២គម្របប៊ីដុង ជាប្រភេទថ្នាំទឹកឃ្មុំផលិតនៅប្រទេសថៃ ហើយពេលផឹកចូល ធ្វើឲ្យគេមានអាការវិលមុខក្អួតចង្អោរក្ដៅក្រហល់ក្រហាយទើបស្រែកឱ្យក្រុមគ្រួសារជួយតែម្តង៕