បន្ទាយមានជ័យៈស្របពេលដែលដំណាំស្រូវរបស់ប្រជាកសិករក្នុងខេត្តបន្ទាយមានជ័យកំពុងតែជួបនិងគ្រោះរាំងស្ងួតស្មៅកំពុងលូតលាស់ល្អជាងដំណាំស្រូវធ្វើអោយកសិករបង្ខំចិត្តប្រើថ្នាំគីមីបាញ់សំលាប់ស្មៅនិងអាចប៉ះពាល់ដល់ស្រូវប្រសិនណាគ្មានភ្លៀង។ លោក សៀក ធា អាយុ30ឆ្នាំរស់នៅភូមិ1សង្កាត់ព្រះពន្លាក្រុងសិរីសោភណ័ ជាមួយនិងប្អូនប្រុសម្នាក់ទៀតដែលកំពុងតែដងទឹកលាយថ្នាំលើគោយន្តកន្ត្រៃនៅជាប់និងផ្លូវជាតិក្បែរស្រែក្នុងភូមិសាលាក្រហមឃុំសំរោងស្រុកអូរជ្រៅបានអោយដឹងថាគាត់បានជួលស្រែពីឪពុកមារចំនួន5ហិតារយះពេល8ឆ្នាំដោយ1ហិតាជួលក្នុងតម្លៃ2000បាត។
លោកបន្តថាការធ្វើកន្លងមកឆ្នាំខ្លះបានទិន្នផលឯឆ្នាំខ្លះមិនទទួលបានទេដោយសារតែគ្រោះធម្មជាតិជាពិសេសរយៈពេល3ឆ្នាំជាប់គ្នានេះគឺមានគ្រោះទឹកជំនន់ជន់លិច។ហើយសំរាប់ឆ្នាំនេះលោកមិនអាចទស្សទាយបានទេថានិងមានជំនន់ទៀតឬយ៉ាងណាតែបច្ចុប្បន្នស្រែស្រូវកំពុងជួបគ្រោះរាំងស្ងួតស្ថិតក្នុងភាពសង្គ្រោះ។ ទោះបីស្ថិតក្នុងភាពផ្សងព្រេងលោក សៀក ធា បានបញ្ជាក់ថាលោកនៅតែថែទាំ បាញ់ថ្នាំសំលាប់កញ្ចឹបដើម្បីអោយស្រូវប្រឹងលូតលាស់រងចាំមានភ្លៀងក្នុងខែកញ្ញាតែ
ប្រសិនជាភាពរា ងស្ងួតនៅបន្តអូសបន្លាយរហូតដល់ខែតុលានោះស្រូវរបស់ពួកគាត់លែងសង្គ្រោះបានហើយនិយាយបានថាត្រូវបោះបង់ចោលក្តីសង្ឃឹមទាំងស្រុងហើយរាល់ការចំនាយត្រូវខាតបង់សំរាប់ឆ្នាំនេះ។ លោក ប៉ាង វណ្ណាសេដ្ឋ ប្រធានមន្ទីរកសិកម្មខេត្តបន្ទាយមានជ័យបានអោយដឹងថា ភ្លៀងបានធ្លាក់ពាស់ពេញទូទាំងស្រុកក្រុងក្នុងខេត្តដែលអាចនិយាយបានថាស្រូវអាចជួយសង្គ្រោះបានហើយអាចលូតលាស់បានល្អទៀតផងព្រោះស្រូវកំពុងអន់លុះត្រូវទឹកភ្លៀងស្រូវខំលូតលាស់ឡើងវិញ៕
