បន្ទាយមានជ័យ: ប្រតិភូជាន់ខ្ពស់ខេត្តបន្ទាយមានជ័យ នៅថ្ងៃទី៦សីហា ២០១៤នេះ កំពុងធ្វើដំណើរទៅទស្សនកិច្ចផ្លូវការឆ្លាស់វេន នៅខេត្តដុងថាប់ ប្រទេសវៀតណាម ដើម្បីពង្រឹងមិត្តភាព និងកិច្ចសហប្រតិបត្តិការខេត្តសម្ព័ន្ធមេត្រីភាព ទស្សនកិច្ចនឹងបញ្ចប់នៅថ្ងៃទី១០ កញ្ញា។ ប្រតិភូនេះដឹកនាំដោយឯកឧត្ដម គោស៊ុំ សារឿត អភិបាលខេត្តបន្ទាយមានជ័យ និងលោកស្រី ព្រមទាំងអភិបាលរងខេត្ត សមាជិកក្រុមប្រឹក្សាខេត្ត ប្រធាន អនុប្រធានមន្ទីរ អង្គភាព អភិបាលក្រុង និង មន្ត្រីជំនាញពាក់ព័ន្ធជាង ៤០ រូប។ ទស្សនកិច្ច របស់ប្រតិភូជាន់ខ្ពស់ខេត្តបន្ទាយមានជ័យតបតាមការអញ្ជើញរបស់គណៈកម្មាធិការ
ប្រជាជនខេត្តដុងថាប់ នៃសាធារណរដ្ឋសង្គមនិយមវៀតណាម ចុះថ្ងៃទី ៤ សីហា ២០១៤ និងមានការអនុញ្ញាតពីក្រសួងមហាផ្ទៃចុះថ្ងៃទី២២ សីហា។ ដោយឆ្លងកាត់ច្រកព្រំដែនអន្តរជាតិបន្ទាយចក្រី ខេត្តព្រៃវែង ហើយនឹងទៅដល់ក្រុងកាវឡាញ់ ទីរួមខេត្តដុងថាប់ នៅព្រលប់ថ្ងៃដដែល។ ប្រតិភូខេត្តនៅថ្ងៃទី ៥ តុលា បានចូលទស្សនានៅសារ:មន្ទីរល្វៀន សិញ
សាក់ នៅទីក្រុងកៅលាញ់ដែលជាទីតម្កល់សព្វលោកប្រធានហូ ជាមិញ ទីនេះក៍ជាទីដែលលោកឳពុកប្រធានហូ ជាមិញបានភៀសខ្លួនពីវៀតណាមខាងត្បូង មកស្នាក់នៅធ្វើជាគ្រូពេទ្យ បុរាណព្យាបាលប្រជាជន ហើយក៍ជាកន្លែងក៍សាងកម្លាំងជាមួយពួកអាណានិគមផងដែរ និង ប្រតិភូខេត្តបានបន្តទស្សនាសួនឧទ្យានផ្កាអូគីដេនៅទីក្រុងកៅឡាញ់នៅព្រឹកថ្ងៃដែល។ ខេត្តទាំងពីរ បានបន្តអនុស្សារណៈយោគយល់គ្នា (MOU) សម្ព័ន្ធមេត្រីភាព វាតម្លៃរបាយការណ៍អនុស្សារណៈ ឆ្នាំ២០១១ ដល់២០១៣ និងបន្តអនុស្សារណៈយោគយល់២០១៤.២០១៥៕ដោយ: ឃិន គន្ធា