ខេត្តកំពង់ធំ.មានការភ្ញាក់ផ្អើលដោយសារតែ មានជើងខ្លាំងឈ្មោះ សុខ លន់ និងប្រពន្ឋឈ្មោះ យាយភឿន ជាឈ្មួញដុះស្លែរ បានធ្វើសកម្មភាព ចូលអាឈើក្នុងព្រៃឡង់ ដែលជាព្រៃអភិរក្ស យ៉ាងរំភើយដោយគ្មាន ជំនាញសមត្ថកិច្ចណាឈឺក្បាលហាលថ្ងៃ យកចិត្តទុកដាក់បង្ត្រាបឡើយ។
តាមសេចក្តីរាយការណ៍បានបញ្ជាក់ថា លោក សុខ លន់ និងយាយភឿន បានចងក្លើ ឬចងបងប្អូនធម៌ជាមួយ និងសមត្ថកិច្ច បរិស្ថាន.និងមេព្រៃអស់ហើយ ទើបអាចចូលទៅអាឈើនៅចំនុចបឹង អូទឹកម៉ូ ជាំរៀម ដឹកចូលមកតាមច្រកអូងាវ ចូលក្រុមហ៊ុនស៊ីអស៊ីខេ ហើយដឹកចេញទៅ ដាក់ដេប៉ូឈើដុះស្លែរមួយកន្លែងដ៏ធំ នៅក្នុងខេត្តកំពង់ធំ។
ប្រភពព័ត៌មានបន្តថា សកម្មភាពដឹកជញ្ជួនដោយខុសច្បាប់.ត្រូវបានកម្រើកសារជាថ្មី បន្ទាប់មានសភាពស្ងប់ស្ងាត់មួយដង្ហើមចង្រិត រហូតមកដល់ពេលនេះ ឈ្មួញឈ្មោះ.សុខ លន់ និងយាយភឿន ធ្វើសកម្មភាពបំផ្លាញព្រៃឈើដោយចូលអាជ្រៀក ដឹកជញ្ជូនតាមរយៈកាឡេថង ចូលក្រុមហ៊ុនចំការកៅស៊ូ ហើយដឹកចេញតាម អូងាវ ស្ថិតនៅឃុំដងកាំបិតស្រុកសណ្តាន់ ខេត្តកំពង់ធំ. ហើយដឹកតាមរថយន្តកូរ៉េចូលមកដេប៉ូក្នុងខេត្តកំពង់ធំ សូមបញាក់ថា ការដឹកជញ្ជូននេះ សមត្ថកិច្ចក៏ដឹង គេក៏ដឹង ឯងក៏ដឹងតែមិនអាចបង្រ្លាបបាន ដោយសារត្រូវរ៉ូវគ្នា។
មហាជនទូទៅ ក៏ដូចជាអ្នកឃ្លាំ មើល បានកត់សម្គាល់ថា ចាប់តាំងពីលោក ងួន រតនៈ មកធ្វើជាអភិបាលខេត្តកំពង់ធំ បទល្មើសព្រៃឈើកើនឡើងជាលំដាប់ដោយគ្មានការយកចិត្តបង្រ្កាបឡើយ ដូច្នេះសំណូមពរឲ្យលោកអភិបាលខេត្តថ្មី ក្នុងនាមប្រធានគណៈបញ្ជាការឯកភាពរដ្ឋបាលខេត្តកំពង់ធំ.សូមមេត្តាជួយបង្រ្កាបផងទាន ដើម្បីឲ្យព្រៃឈើសល់ឲ្យកូនចៅជំនាន់ក្រោយបានស្គាល់ផង៕
ដោយប៊ុន រដ្ឋា
