មនុស្ស៣នាក់បានរងរបួសធ្ងន់ម្នាក់និងស្រាល២នាក់ក្នុងគ្រោះថ្នាក់ចរាចរណ៍មួយរវាងម៉ូតូនិងម៉ូតូបុកគា្នក្នុងទិសដៅបញ្ច្រាសគ្នាយ៉ាងពេញទំហឹង ។
ហេតុការណ៍នេះបានកើតឡើងកាលពីវេលាម៉ោង០៨និង10នាទីយប់ថ្ងៃទី០៨ខែកញ្ញាឆ្នាំ2014 ត្រង់ចំណុចមន្ទីរពេទ្យេជប៉ុនស្ថិតក្នុងសង្កាត់ស្រះចក
ខណ្ឌដូនពេញ។ ប្រភពព័ត៌មានពីកន្លែងកើតហេតុបានអោយដឹងថានៅមុនពេលកើតហេតុគេឃើញម៉ូតូហុងដាវេលមួយគ្រឿងពណ៌ខ្មៅពាក់ស្លាកលេខភ្នំពេញ1I.0627 ជិះដោយយុវជន២នាក់ ធ្វើដំណើរតាមបណ្ដោយផ្លូវលេខ៤៧ ក្នុងល្បឿនយ៉ាងលឿនទិសដៅពីត្បូងទៅជើងស្រាប់តែមកដល់ចំណុចកើតហេតុហើយក៍បានវ៉ាអីរថយន្ដមួយគ្រឿងមិនស្គាល់ម៉ាកបានបើកឆ្លងផ្លូវហើយបានទៅ បុកជាមួយម៉ូតូមួយគ្រឿងម៉ាកស៊ុយសូគីគ្រិសស្ទាលពណ៌ខ្មៅពាក់ស្លាកលេខភ្នំពេញ1A.5168 ជិះដោយបុរសម្នាក់ ធ្វើដំណើរតាមបណ្ដោយផ្លូវលេខ៤៧ ក្នុងល្បឿនលឿនដូចគ្នាទិសដៅពីជើងទៅត្បូង បុកបញ្ច្រាសគ្នាពេញទំហឹងធ្វើអោយបុរសដែលជិះម៉ូតូស៊ុយសូគីគ្រិសស្ទាលខាងលើរងរបួសធ្ងន់ បែកមុខបែកចញ្ចើមហូឈាមស្រោចពេញមុខចំណែកភាគីខាងម៉ូតូវេលរងរបួសស្រាល។ បន្ទាប់ពីកើតហេតុបុរសរងគ្រោះធ្ងន់ខាងលើត្រូវបានមិត្តភ័ក្តិដឹកតាមម៉ូតូយកទៅមន្ទីរពេទ្យព្យាបាលរបួសភ្លាមៗ ចំណែកម៉ូតូ២គ្រឿងខាងលើត្រូវសមត្ថកិច្ចបានធ្វើការវាស់វែងយកទៅរក្សាទុកនៅការិយាល័យចរាចរជើងគោកនៃស្នងការដ្ឋាននគរបាលរាជធានីភ្នំពេញដើម្បីធ្វើការដោះតាមផ្លូវច្បាប់៕
