ភ្នំពេញ៖បុរស៣នាក់ចេញមកពីធ្វើការសំណង់ជិះមួយម៉ូតូហុងដាឌ្រីមសេ១២៥មួយគ្រឿងត្រូវ រថយន្ដCRVមួយគ្រឿងបុកចំពីមុខពេញមួយទំហឹងបណ្ដាលឲ្យបុរស២រងរបួសធ្ងន់និងម្នាក់រងរបួសស្រាល។ ហេតុការណ៏នេះកើតឡើងកាលពីវេលាម៉ោង ៨និង៤០នាទី ថ្ងៃទី៩ ខែកញ្ញា ឆ្នាំ ២០១៤
នៅតាមបណ្ដោយផ្លូវ២៧១ កែងនិង៥០៨ស្ទួន ស្ថិតនៅក្នុងសង្កាត់ ផ្សារដើមថ្កូវ ខណ្ឌចំការមន។
បុរសរងរបួសធ្ងន់២នាក់មាន ឈ្មោះថា ម៉ៅ និងម្នាក់ទៀតឈ្មោះ បូ រ៉ាន ហើយអ្នករងរបួស ស្រាល ឈ្មោះ ថ្លាង ធឿន ជាម្ចាស់ម៉ូតូហុងដាឌ្រីម។
តាមប្រភពព័ត៌មានពីកន្លែងកើតហេតុបានឲ្យដឹងថាមុខពេលកើតហេតុគេឃើញម៉ូតូហុងដាឌ្រីមសេ១២៥ មួយគ្រឿង ពណ៌ខ្មៅ ពាក់ស្លាកលេខ ភ្នំពេញ1CC-4191បើកបរដោយបុរស៣នាក់ ជាកម្មករសំណង់ ដែលទើបនិងចេញពីធ្វើការ ហើយកំពុងធ្វើដំណើរតាមបណ្ដោយផ្លូវ២៧១ ក្នុងទិសដៅពីកើតទៅលិច ខណៈមកដល់ចំណុចកើតហេតុក៏មានរថយន្ដមួយគ្រឿង ម៉ាកCRV ពណ៌ខ្មៅ មិនចាំស្លាក់លេខ បើកយ៉ាងលឿនក្នុងស្ថានភាពផ្លូវចង់អៀត តាមបណ្ដោយផ្លូវ២៧១ ក្នុងទិសដៅពីលិចទៅកើត ទៅបុកចំពីមុខម៉ូតូហុងដាឌ្រីមមួយទំហឹងបណ្ដាលឲ្យ ម៉ូតូរងការខូចខាច ផ្នែកកង់ខាងមុខ ហើយបុរសម្នាក់រងរបួសស្រាលនិងបុរស២នាក់ទៀតរងរបួសធ្ងន់ត្រូវ រថយន្ដ សាមុយមកទទួលយកទៅសង្គ្រោះនៅមន្ទីរពេទ្យ ចំណែករថយន្ដក៏បើករត់យ៉ាងគិចតាម៥០៨ស្ទួន បាត់ស្រមោល។
ក្រោយពេលកើតហេតុ សមត្ថកិច្ចមូលដ្ឋានបានចុះដល់កន្លែងកើតហេតុជួលធ្វើការអន្ដរាគមន៏ ចំណែកម្ចាស់ម៉ូតូដែលរងរបួសស្រាលក៏បានហៅរ៉ឺកម៉កកង់៣ លើម៉ូតូយកទៅជួសជុល ដោយខ្លួងឯងនិង ចេញពីកន្លែងកើតហេតុត្រឡប់ទៅផ្ទះបាត់ទៅ៕