ខ្សែប្រយុទ្ធតោខៀវ Chelsea Samuel Eto'o បានច្រានចោលលើពាក្យចចាមអារ៉ាមដែលនិយាយថា រូបគេទំនងជានឹងចាកចេញពីក្លិបនៅពេលចប់រដូវកាលនេះ ។ កីឡាករវ័យ ៣២ ឆ្នាំដែលផ្លាស់មកតោខៀវកាលពីរដូវក្តៅមុនក្នុងកិច្ចសន្យារយៈពេល ១ ឆ្នាំរូបនេះ ត្រូវបានគេនិយាយថាមានជាប់ទាក់ទងនឹងការផ្លាស់ទៅលេងនៅអតីតក្លិបចាស់របស់ខ្លួនវិញគឺ Barcelona ក៏ដូចជា Inter Milan ផងដែរ ។
ទោះបីជាយ៉ាងណាក៏ដោយ ភ្លាមៗនោះ Eto'o បានច្រានចោលពាក្យចចាមអារ៉ាមនេះហើយបានបញ្ជាក់ថា នេះជាព័ត៌មានមិនពិត ខ្ញុំនិយាយម្តងទៀតថា ខ្ញុំស្រឡាញ់ Chelsea ហើយខ្ញុំគោរពអ្នកដឹកនាំនិងមិត្តរួមក្រុមរបស់ខ្ញុំ ខ្ញុំមិនចាកចេញទេ ។ គួរបញ្ជាក់ថា ចាប់តាំងពីផ្លាស់មក Chelsea កាលពីរដូវក្តៅមុន Eto'o ស៊ុតបញ្ចូលទីបានចំនួន ៨ គ្រាប់ហើយក្នុងការប្រកួត ២៧ លើក ៕
