ភ្នំពេញ៖ យុវជនបីនាក់ដែលជិះម៉ូតូ ប្រដេញគ្នា តាមបណ្ដោយផ្លូវមុនីវង្ស ស្ថិតក្នុងសង្កាត់បឹងប្រលឹត ខណ្ឌ៧មករា នៅចំណុចមុខរោងកុនវិមានទិព្ធ ចាស់ ក៏ជ្រុលទៅបុកនិងរបាំងថ្មចែកទ្រូងផ្លូវ បណ្តាលឲ្យ រងរបួសធ្ងន់ធ្ងរបីនាក់ កាលពីវេលាម៉ោង ១០និង៣០នាទីយប់ថ្ងៃទី១៤ ខែកញ្ញា ឆ្នាំ២០១៤ ។
តាមសាក្សីនៅកន្លែង កើតហេតុបានឲ្យដឹងថា មុនពេលកើតហេតុ គេបានឃើញ យុវជន៣នាក់ បានជិះម៉ូតូ មួយគ្រឿងម៉ាក ហ្វិនណូ ពណ៌ឈាមជ្រូកលាយស ពាក់ស្លាកលេខ ភ្នំពេញ 1BD-0170 បានធ្វើដំណើរពីជើង ទៅត្បូង ដែលជិះប្រដេញគ្នាជាមួយម៉ូតូពីរគ្រឿងទៀតដែលធ្វើដំណើរស្របគ្នា នោះ ក្នុងល្បឿន យ៉ាងលឿន លុះមកដល់ចំណុច មុខរោងកុន វិមានទិព្ធ ចាស់ ដោយសារជិះម៉ូតូ លឿនពេកក៏បានរ៉េចង្កូត ទៅបុករបាំងថ្ម ពុះចែក ទ្រួង ផ្លូវពេញទំហឹងបណ្ដាល ឲ្យរងរបួសធ្ងន់ធ្ងរ ចំណែកម៉ូតូរងការ ខូចខាង យ៉ាងដំណំ។
ក្រោយពេលកើតហេតុ ជនរងគ្រោះត្រូវបានបញ្ជូន ទៅសង្គ្រោះភ្លាមៗ រីឯម៉ូតូវិញត្រូវសមត្ថកិច្ចយក ទៅរក្សាទុក នៅធអិការដ្ឋាន នគរបាលខណ្ឌ៧មករា ដើម្បីរងចាំបងប្អូនមកទទួលយកទៅវិញផងដែរ៕
