កំពង់ឆ្នាំង៖យុវជនម្នាក់ត្រូវបានមន្ត្រីនគរបាលមូលដ្ឋានធ្វើការចាប់ឃាត់ខ្លួនពីបទចាប់រំលោភអនិតិជន ការចាប់ខ្លួននេះបានធ្វើឡើងនៅព្រឹកថ្ងៃទី២១ ខែកញ្ញា ឆ្នាំ២០១៤ បន្ទាប់ពីមានពាក្យបណ្តឹងពីឪពុកម្តាយ យុវតីរងគ្រោះ ថាបានចាប់រំលោភកូនស្រី គាត់ជាអនីតិជនអាយុ១៤ឆ្នាំដែលបានប្រព្រឹត្តឡើងជាច្រើន លើក ខណៈដែលឪពុកម្តាយនាងមិននៅផ្ទះក្នុងអំឡុងដើមខែកញ្ញា ឆ្នាំ២០១៤ ស្ថិតនៅក្នុងភូមិក្រសាស់ ថ្មី ឃុំឈូក.ស ស្រុកកំពង់ត្រឡាច ។
លោក លោក ហ៊ុន វាសនា អធិការនគរបាល ស្រុកកំពង់ត្រឡាច បាននិយាយអោយដឹងថាៈ ជន សង្ស័យរូបនោះមាន ឈ្មោះ ភាព លី អាយុ ១៨ ឆ្នាំ មានទីលំនៅជាមួយជននរងគ្រោះ។ ចំណែកក្មេង ស្រីរងគ្រោះមានអាយុ១៤ឆ្នាំ ឪពុកម្តាយនាងជាអ្នកប្រកបរបរដើរលក់ កាំបិត ពូថៅ និងសម្ភារៈផ្សេងៗ ដែលទទួលទិញពីជាងដំដែក យកទៅលក់តាម ស្រុក ខេត្ត ឆ្ងាយៗ ១០ថ្ងៃឬ កន្លះខែទើបមកផ្ទះម្តង។
លោកអធិការបានបន្តថា៖ ដោយសារជនសង្ស័យខាងលើ ទើបបានមកស្នាក់នៅជាមួយបងប្រុស
ខ្លួនដែលមានទីលំនៅជិតកុមារីរងគ្រោះ ទើបគេដឹងថាឪពុកម្តាយនាងមិននៅផ្ទះ ហើយគេក៏បានឈ្លាត ឱកាសទៅចាប់នាងរំលោភ៣-៤ លើករួចមកហើយ តែយុវតីរងគ្រោះមិនចាំថ្ងៃនិងមិនហ៊ានប្រាប់អ្នកណា ព្រោះនាងនៅតែម្នាក់ឯង។ ទើបតែនៅយប់ថ្ងៃទី២០ ខែកញ្ញា ឆ្នាំ២០១៤ នេះម្តាយឪពុក នាងបានត្រឡប់ ពីលក់កាំបិត ពូថៅវិញ នាងបានប្រាប់រឿងរ៉ាវដែលបានកើតឡើងមកលើរូបនាង ហើយនៅព្រឹកស្អែក ឡើងថ្ងៃទី២១ ខែកញ្ញា ទើបឪពុក ម្តាយ មកប្តឹងសមត្ថកិច្ចនឹងមានការចាប់ខ្លួនតែម្តង។
នៅចំពោះមុខសមត្ថកិច្ច ជនសង្ស័យគេបានបញ្ចាក់ថា៖ រូបគេពិតជាបានទៅដេកនៅជាមួយនាង
មែន តែគ្រាន់តែដេកឱប លេងក្រៅៗទេ។ ប៉ុន្តែទោះយ៉ាងនេះក្តី យុវតីរងគ្រោះបាននិយាយថា គឺពិតជា
បានចាប់នាងរំលោភ រហូតធ្លាក់ឈាមទៀតផង ។
មន្ត្រីនគរបាលបានធ្វើការអប់រំដល់អាណាព្យាបាល ក្មេងស្រីរងគ្រោះថា៖មិនគួរបណ្តោយអោយ
កូនអាយុ១៤ឆ្នាំ ដេកនៅម្នាក់ឯងបែបនេះឡើយ ។ ជនសង្ស័យរូបនេះត្រូវបានមន្ត្រីនគរបាល ស្រុកកំពង់
ត្រឡាច កសាងសំណុំរឿងបញ្ជូនមកស្នងការដ្ឋាននគរបាលខេត្ត ដើម្បីសាកសួរ និងកសាងសំណុំរឿង បន្ថែម នឹងបញ្ជូនខ្លួនទៅកាន់តុលាការខេត្តដើម្បីចាត់ការបន្តតាមនិតិវិធីច្បាប់៕
