ភ្នំពេញ ៖ រថយន្តតាគូម៉ា មួយគ្រឿង បានជ្រុលទៅបុកគូទរថយន្តហាយលែនឌឺរដែលកំពុងបត់ចូល មន្ទីរពេទ្យសូវៀតបណ្តាលឱ្យស្តុបក្រោយរងកាខូចខាតផ្នែកខាងក្រោយ កាលពីវេលាម៉ោង៩និង១០ នាទីយប់ ថ្ងៃទី០១ខែតុលាឆ្នាំ២០១៤ នៅចំណុចមុខមន្ទីរពេទ្យខ្មែរសូវៀតតាមបណ្តោយផ្លូវលេខ២៧១ ក្នុងសង្កាត់ទំនប់ទឹក ខណ្ឌចំការមន ។
ប្រភពព័ត៌មាននៅកន្លែងកើតហេតុឱ្យដឹងថារថយន្ត តាគូម៉ាពណ៌ទឹកប្រាក់ពាក់ស្លាក់លេខភ្នំពេញ Z-2540 បើកបរតាមបណ្តោយផ្លូវលេខ ២៧១ ក្នុងពីត្បូងទៅជើង ស្របទិសគ្នាជាមួយរថយន្ត ហាយលែនឌឺរ ពណ៌ខ្មៅពាក់ស្លាក់លេខ ភ្នំពេញ 2L-5918 ដែលកំពុងស៊ីញូបត់ស្តាំចូលទៅ មន្ទីរពេទ្យខ្មែរសូវៀតក៏ធ្វើឲ្យរថយន្ត តាគូម៉ា ជ្រុលមកបុកគូទក្រោយរថយន្ត ហាយលែនឌឺរ បណ្តាលឲ្យ បែកស្តុបផ្នែកខាង ឆ្វេង រងការខូចខាត ហើយចំណែករថយន្ត តាគូម៉ាវិញក៏រងការខូចខាតផ្នែកខាងមុខ ផងដែរ ។ ក្រោយពេលកើតហេតុអ្នកបើករថយន្ត តាគូម៉ាបានទទួលកំហុសក៏ព្រមចេញថ្លៃខូចខាត់ទៅ ម្ចាស់ រថយន្តហាយលែនឌឺរ ចំនួន២ដុល្លា ដើម្បីបញ្ចប់រឿងនៅកន្លែងកើតហេតុតែម្តង ៕
