Premier League ប្រចាំខែកញ្ញាខ្សែប្រយុទ្ធក្លិបតោខៀវ Chelsea គឺកីឡាករ Diego Costa (ឌីហ្គោ កូស្តា) បានត្រូវជាប់ឈ្មោះជាកីឡាករ លេងល្អបំផុតប្រចាំខែកញ្ញាបន្ទាប់ពីរូបគេបង្ហាញពីទម្រង់លេងយ៉ាងល្អឥតខ្ចោះក្នុងក្របខណ្ឌ Premier League ។
កីឡាករសញ្ជាតិអេស្ប៉ាញដើមកំណើតប្រេស៊ីលរូបនេះបានផ្លាស់មកកាន់ទឹកដី Stamford Bridge (ស្តេមហ្វដ ប្រ៊ីដ) ក្រោយពេលចាកចេញពី Atletico Madrid នៅរដូវក្តៅនេះហើយមកដល់ពេលនេះ រូបគេស៊ុត បញ្ចូលទីបាន៨គ្រាប់រួចមកហើយឲ្យក្លិប Chelsea ។
ក្នុងចំណោមគ្រាប់ទាំងនោះ គឺមាន៤គ្រាប់ដែល Costa រកបាននៅខែកញ្ញាពោលគឺស៊ុតបាន៣គ្រាប់ ក្នុងការប្រកួតដែល Chelsea ឈ្នះ Swansea City (ស្វេនស៊ី ស៊ីធី) 4-2 និងមួយគ្រាប់ទៀតរកបានក្នុងការប្រកួតឈ្នះ Aston Villa 3-0 ។គួរបញ្ជាក់ថា ខ្សែប្រយុទ្ធវ័យ២៥ឆ្នាំរូបនេះក៏នឹងបង្ហាញវត្តមានផងដែរឲ្យក្លិប Chelsea សម្រាប់ការប្រកួត ជាមួយកាំភ្លើងធំ Arsenal នៅយប់ថ្ងៃអាទិត្យនេះ ៕
