កំពង់ឆ្នាំង៖លោកនាយនគរបាលប៉ុស្តិរដ្ឋបាលកំពង់ព្រះគរគី ត្រួវបានលោកស្នងការនគរបាលខេត្តដកមកបញ្ឈរជើងនិងដាក់វិន័យបន្ទាប់ពីប្រជាពលរដ្ឋចំនួន៨២គ្រួសារនៅក្នុងភូមិ២ក្នុងឃុំកំព ង់ព្រះគរគី នាំគ្នាផ្តិតមេដៃនៅព្រឹកថ្ងៃទី០៤ ខែតុលា ឆ្នាំ២០១៤ នៅក្នុងផ្ទះលោកប្រធានសហគមន៏នេសាទសុំថ្នាក់លើផ្លាស់ប្តូរចេញ ព្រោះតែគេបានធ្វើបាបប្រជាពលរដ្ឋនៅក្នុងរឿងកន្លងមក។ ប្រភពព័ត៌មានពីមន្ត្រីនគរបាលដែលនៅកៀននិងលោកស្នងការនគរបាលខេត្តបានអោយដឹងថា៖លោកអនុសេនីយ៍ឯក ប៉ាវ ពុំសែន ជានាយនគរបាលប៉ុស្តិរដ្ឋបាលកំពង់ព្រះគរគីត្រូបានលោក ប្រាក់ វុឌ្ឍី ស្នងការនគរបាលខេត្តដកមកបញ្ឈរជើងនៅក្នុងស្នងការដ្ឋាននគរបាលខេត្តកាលពីថ្ងៃទី០៧ ខែតុលា ឆ្នាំ២០១៤ បន្ទាប់ពីលោកស្នងការបានទទួលរបាយការណ៍ពីលោកមេឃុំកំពង់ព្រះគរគី ស្រុកបរិបូណ៍ និងសំណើរបស់ប្រជាពលរដ្ឋសុំអោយធ្វើការផ្លាស់ប្តូរលោកមេប៉ុស្តិនិងមន្ត្រីប៉ុស្តិម្នាក់ទៀត ព្រោះតែធ្លាប់បានធ្វើបាបប្រជាពលរដ្ឋកន្លងមក។
ប្រភពដដែលបានអោយដឹងទៀតថា៖នៅក្នុងរបាយការណ៍របស់លោកមេឃុំកំពង់ព្រះគរគីនិងសំណូមពររបស់ប្រជាពលរដ្ឋ គឺសុំផ្លាល់ប្តូរមន្ត្រីនគរបាលប៉ុស្តិ២នាក់គឺ១លោក ប៉ាវ ពុំសែន ជាមេប៉ុស្តិ និង២លោក ទុំ សារុំ ជាមន្ត្រីប៉ុស្តិដែលត្រូវជាបងថ្លៃប្អូបថ្លៃនិងគ្នា។ប៉ុន្តែដោយសារតែ
មន្ត្រីនគរបាលប៉ុសិ្តមានគ្នាតិច គឺគេសំរេចដកលោកមេប៉ុស្តិតែម្នាក់សិន ដើម្បីអោយសមត្ថកិច្ចនគរបាលខេត្ត ចុះទៅធ្វើការស្រាវជ្រាវរឿងលោក ប៉ាវ ពុំសែន នៅក្នុងមូលដ្ឋាននៅពេលសម្ថ
កិច្ចរកឃើញកំហុសរបស់លោកមេប៉ុស្តិរូបនេះមានពិតមែនហើយនោះ ក្រុមប្រឹក្សាវិន័យនៃស្នង
ការដ្ឋាននិងដាក់វិន័យដល់មេប៉ុស្តិខាងលើនេះមិនលើកលែងឡើយ។ដោយឡែក លោក ទុំ សារុំ ជាមន្ត្រីនគរបាលប៉ុស្តិដែលពាក់ពន្ធ័ក៏មិនអាចរួចខ្លួនដែរ បើគេរកឃើញថាមានកំហុសជាមួយលោក ប៉ាវ ពុំសែន ជាមេប៉ុស្តិ និងត្រូវដកចេញយកមកទទួលវិន័យនគរបាលដូចគ្នា។
គួរបញ្ជាក់ថា៖មន្ត្រីនគរបាល២នាក់ខាងលើនេះត្រូវបានប្រជាពលរដ្ឋមិនស្បាយចិត្ត នៅក្នុងការបំពេញតួនាទីភារកិច្ចជាសមត្ថកិច្ចការពារប្រជាពលរដ្ឋ និងការពារមូលដ្ឋានកន្លងមក ដូចជា៖ដោះស្រាយជម្លោះផ្សេងៗមិនយុត្តិធម៌ ទាមទារយកលុយពីការនេសាទរបស់ប្រជានេសាទ កាន់ ជើងជនខិលខូច កាន់ជើងចោរនៅក្នុងមូលដ្ឋាន មិនសហការជាមួយអាជ្ញាធរឃុំ យកផ្ទះ
របស់ខ្លួន
ធ្វើជាស្នាក់ការប៉ុស្តិ។
ទាក់ទងក្នុងរឿងខាងលើនេះ លោក ប៉ាវ ពុំសែន ធ្លាប់បានបំភ្លឺអោយអ្នកយកព័ត៌មានយើងដឹងថា រឿងមួយចំនួនពិតជាកើតមានមែន តែលោកបានធ្វើតាមនិតិវិធីច្បាប់រួចហើយ និងរឿងមួយចំនួនទៀតក៏បានដោះស្រាយគ្នាចប់អស់ហើយដែរ តែប្រជាពលរដ្ឋនៅតែលើកយកមកដាក់ជាបញ្ហាលើលោកទៀត ករណីទាំងអស់នេះសំរេចថ្នាក់លើពិនិត្យស្រាវជ្រាវចុះ។ករណីខាងលើ
នេះគឺជាមេរៀន និងជាបទពិសោធន៍មួយដែលមន្ត្រីនគរបាលទាំងអស់គួរតែប្រុងប្រយត្ន័កុំអោយ
កើតឡើងចំពោះខ្លួននិងអង្គភាពនាំអោយខ្មាស់គេ៕កំពង់ឆ្នាំង)
