កំពង់ឆ្នាំងៈអ្នកបើកបររ៉ឺម៉កម៉ូតូនិង រថយន្តដឹកកម្មកររោងចក្រអ៊ឹមវ៉េចំនួន៤៥នាក់ ត្រូវបានសមត្ថកិច្ចជំនាញនគរបាលចរាចរណ៍ក្រុងនិងខេត្ត ប្រមូលមកធ្វើការអប់រំអំពីច្បាប់ចរាច រណ៍នៅព្រឹកថ្ងៃទី០៥ ខែមិនា ឆ្នាំ២០១៤ នៅចំណតរថយន្តទីធ្លាខាងជើងរោងចក្រអ៊ឹមវេ ស្ថិតក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងកំពងឆ្នាំង។
លោក ជុន ថារិទ្ធ អនុប្រធានការិយាល៍យកណ្តាលសណ្តាប់ធ្នាប់នៃស្នងការដ្ឋាននគរបាលខេត្ត បានអោយដឹងថាៈដោយមានការណែនាំដោយផ្ទាល់ពីលោកស្នងការនគរ ខេត្ត លោកក៏បានសហការជាមួយ លោកអធិការរងនគរបាលក្រុង លោកនាយប៉ុស្តិនិង មន្ត្រីនគរបាលចារចរណ៍ក្រុងនិងខេត្ត ប្រមូលអ្នកបើកបររ៉ឺម៉កម៉ូតូនិងរថយន្តដឹកកម្មកររោង ចក្រអ៊ឹមវេ បានចំនួន៤៥នាក់ដើម្បីធ្វើការអប់រំច្បាប់ចរាចរណ៍នៅចំណុចខាងលើ។
លោកបានថ្លែងទៅកាន់ទៅកាន់អ្នកបើកបរទាំងអស់នោះថាៈ ដើម្បីរួមគ្នាទប់ស្កាត់ និងកាត់បន្ថយគ្រោះថ្នាក់ចរាចរណ៍ អ្នកបើកបរទាំងអស់ត្រូវតែយល់ដឹងនិងគោរពច្បាប់ចរាចរណ៍ដូចជាៈ រ៉ម៉កម៉ូតូនិងរថយន្តត្រូវមានប្រពន្ធ័ហ្វាំង និងភ្លើងស៊ីញ៉ូត្រឹមត្រូវគ្រប់គ្រាន់តាមលក្ខណះបច្ចេកទេសយានយន្ត មិនត្រូវដឹកមនុស្សសើសចំណុះ មិនត្រូវបើកបរហួតល្បឿនកំណត់ មិនត្រូវបើកជែងស្ថិតក្នុងស្ថានភាពគ្រោះថ្នាក់ មិនត្រូវបើកបរក្នុងស្ថានភាពស្រវឹង ត្រូវគោរពសិទ្ធអទិភាព និងត្រូវចេះយល់អធ្យាស្រ័យគ្នាក្នុងពេលបើកបរ។
ការបើកបរមិនគោរពច្បាប់នឹងនាំមកនូវគ្រោះថ្នាក់ដល់ខ្លួន និងអ្នកដ៏ទៃដែលធ្វើអោយមានការខាតបង់ថវិកា ពេលវេលា របួសពិការឫបាត់បង់ជីវិតទៀតផង ការធ្វេសប្រហែ សតែមួយវិនាទីក៏អាចអោយយើងមានគ្រោះថ្នាក់ដែរ ស្រឡាញ់ខ្លួន ស្រឡាញ់ប្រពន្ធកូន និងក្រុមគ្រួសារ ត្រូវតែរួមគ្នាគោរពច្បាប់ចរាចរណ៍អោយបានខ្ជាប់ខ្ជួន។
សមត្ថកិច្ចអោយដឹងថាៈដោយសារការបើកបរហួសល្បឿនកំណត់និង មិនគោរច្បាប់ចរាចរណ៍ នៅក្នុងខែកុម្ភះកន្លងមកអ្នកស្លាប់ក្នុងគ្រោះថ្នាក់ចរាចរណ៍នៅក្នុងខេត្តកំពង់ឆ្នាំងមានចំនួន១៥នាក់ និងរបួសធ្ងន់ស្រាលជាង៤០នាក់ទៀត កើនលើសខែមករា ដែលប្រការនេះអ្នកបើកបរទាំងអស់គួរតែយល់ដឹងនិងប្រុងប្រយត្ន័អោយបានខ្ពស់៕ 
