ភ្នំពេញៈ អគ្គិភ័យឆាបឆេះមួយ បានកើទ្បើងនៅប៉ុស្តិ៍ ផ្សារកណ្តាលទី១ ក្នុងបន្ទប់ដាក់ឯកសារ ស្ថិតក្នុងផ្សារកណ្តាល ខណ្ឌដូនពេញ បង្កឲ្យមានការភ្ញាក់ផ្អើក ដល់ប្រជាពលរដ្ឋ និងសមត្ថកិច្ចមូលដ្ឋាន ចុះទៅជួយអន្តរាគមន៍ភា្លមៗ ។ ហេតុការណ៍អគ្គិភ័យនេះ បានកើតទ្បើងកាលពីវេលាម៉ោង២និង៣០នាទីយប់ ឈានចូលថ្ងៃទី៣១ ខែតុលា ឆ្នាំ២០១៤ ។ បើតាមប្រភពព័ត៌មាន ៖ ពីសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេសង្គេតឃើញមានផ្សែងចេញពីប៉ុស្តិ៍ នគរបាលសារកណ្តាលចេញខាងក្រៅយ៉ាងខ្លាំង បង្កឲ្យមានការភ្ញាក់ផ្អើល ដល់ប្រជាពលរដ្ឋ នាំគ្នាមកចោមរោមមើល លុះមួយសន្ទុះក្រោយមក ក៏មានអណ្តាតភ្លើង ឆាបឆេះចេញក្រៅ ទើបប្រជាពលរដ្ឋ និងសមត្ថិច្ចមូលដ្ឋាន នាំគ្នាជួយយកទឹកជះពន្លត់ និងបានហៅរថយន្តពន្លត់អគ្គិភ័យ មកបាញ់ទឹកពន្លត់ ទើបអាចគ្រប់គ្រងស្ថានការណ៍នេះបាន ។
សមត្ថកិច្ចនៅកន្លែងកើតហេតុ បានប្រាប់ឲ្យដឹងថា ៖ ការឆាបឆេះបន្ទប់ដាកឯកសារ ក្នុងប៉ុស្តិ៍ផ្សារកណ្តាលនេះ គឺបណ្តាលមកពីទុស្សេចរន្តអគ្គីសនី ។ ហើយករណីអគ្គិភ័យនេះ ឆាបឆេះនៅចំកន្លែងមានសមត្ថកិច្ចស្រាប់ ព្រោះអាចមានកម្លាំងមនុស្សគ្រប់គ្រាន់ និងអាចផ្តល់ព័ត៌ឆាបរហ័ស ក្នុងការទាក់ទងរថយន្តពន្លត់អគ្គីភ័យ មកចុះអន្តរាគមន៍ បានទាន់ពេលវេលា ។ សូមបញ្ជាក់ផងដែរថា ៖ ករណីគ្រោះអគ្គីភ័យខាងលើនេះ រថយន្តពន្លត់អគ្គីភ័យ នៃស្នងការនគរបាល រាជធានីភ្នំពេញ ចំនួន២គ្រឿង បានចុះដល់កន្លែងកើតហេតុភ្លាមៗ បន្ទាប់ពីកើកហេតុ និងបានបាញ់ទឹកពន្លត់អគ្គិភ័យនេះ អស់តែ១គ្រឿងប៉ុណ្ណោះ ៕