កំពង់ឆ្នាំង៖ជនសង្ស័យមា្នក់ត្រូវបានកម្លាំងនគរបាលក្រុងកំពង់ឆ្នាំងធ្វើការចាប់ឃាត់ខ្លួន នៅវេលា ម៉ោង៦និង៣០នាទីព្រឹកថ្ងៃទី១០ ខែវិឆ្ឆិកា ឆ្នាំ២០១៤ បន្ទាប់ជនសង្ស័យរូបនោះគប់មានជល់របស់គេមួយ ក្បាលបណ្តាលអោយងាប់ដើម្បីលួច តែម្ចាស់គេទាន់ ។ហេតុការណីនេះបានកើតឡើងនៅភូមិស្រែព្រីងសង្កាត់កំពង់ឆ្នាំង ក្រុងកំពង់ឆ្នាំង ។
លោក ម៉ា យន់ មន្ត្រីនគរបាលព្រហ្មទ័ណ្ឌក្រុងកំពង់ឆ្នាំងបាននិយាយអោយដឹងថាៈ ជនសង្ស័យរូបនោះមានឈ្មោះ ចូយ វាសនា អាយុ២៨ឆ្នាំ មានទីលំនៅភូមិទី៧ សង្កាត់ខ្សាម ក្រុងកំពង់ឆ្នាំង តែជន នេះបានមកស្នាក់នៅ ផ្ទះមិត្តភក្រ័ មានទីលំនៅភូមិឃុំកើតហេតុខាងលើ ។ ប្រភពដដែលបានបន្តថាៈ មុនពេលកើតហេតុម្ចាស់មាន់ឈ្មោះ សួន សង្វា អាយុ៦០ឆ្នាំ បានលែងមានជល់ មួយក្បាលនេះពីទ្រុង ហើយគាត់បានឃើញមាន់នោះដើរ
ចូលមកក្នុងបរិវេណផ្ទះឈ្មោះ លឹម មាសម៉ារ៉ា ដែលជាផ្ទះឈ្មោះ ចូយ វាសនា នោះស្នាក់នៅ។ មួយស្របក់ក្រោយមក ស្រាប់តែគាត់បានឮ មាន់ស្រែក ហើយភ្លាមនោះម្ចាស់មាន់បានស្ទុះរត់ទៅមើលឃើញមាន់គាត់ប្រកាច់ និងងាប់តែម្តង ហើយ
បានឃើញឈ្មោះ ចូយ វាសនា ស្ទុះរត់ចូលក្នុងផ្ទះ ទើបគាត់រាយការណ៏ទៅសមត្ថកិច្ចនគរបាលហើយ
បានមកចាប់ខ្លួនតែម្តង ។
លោក ម៉ា យន់ បានអោយដឹងទៀតថាៈកន្លងមកម្ចាស់ មាន់ឮខាងលើនេះតែងបាត់មានជល់គាត់ជារើយៗ តែមិនដែលចាប់បានម្តងណាឡើយ ទើបតែលើកនេះម្ចាស់មាន់ទាន់នឹងភ្នែក និងបានបញ្ជាក់ ថាៈមាន់ជល់ដែលជនសង្ស័យគប់ងាប់បំរុងលួចនោះតម្លៃ៧០ដុល្លា ។
ជនសង្ស័យខាងលើនេះត្រូវបានមន្ត្រីនគរបាលក្រុងបញ្ជាក់ទៀតថាៈគឺជាមុខសញ្ញាចាស់តែមានក្នុងបញ្ជីរបស់នគរបាលក្រុង ហើយពេលនេះ នគរបាលក្រុងបានកសាងសំណុះរឿងបញ្ជូនទៅតុលា ដើម្បីការចាត់ការតាមនិតិវិធីច្បាប់ ៕
