កំពង់ឆ្នាំង៖ស្ត្រីមានកូនខ្ចីអាយុ២ខែម្នាក់បានរលាគភ្លើងមួយកំណាត់ចង្កេះចុះមកក្រោម និងបានខូចដល់ភ្នែកស្តាំម្ខាង ខណៈដែលយកប្រេងកាតទៅចាក់ចង្កៀងកំពុងឆេះ បណ្តាលអោយផ្ទុះឆាបឆេះតែម្តង ។ ហេតុការណ៏នេះបានកើតឡើងនៅវេលាម៉ោង ៧និង៤៥នាទីយប់ ថ្ងៃទី០៦ ខែវិឆ្ឆិកា ឆ្នាំ២០១៤នៅលំនៅដ្ឋានរបស់ស្ត្រីរងគ្រោះស្ថិតក្នុង ភូមិអណ្តូងរនុក ឃុំកំពង់ហៅ ស្រុកកំពង់លែង ខេត្តកំពង់ឆ្នាំង។
បុរសជាប្តីឈ្មោះ យឺន បុរី អាយុ៣១ឆ្នាំ បានអោយដឹងថាៈ ប្រពន្ឋគាត់ដែលរងគ្រោះនេះមានឈ្មោះ មាស ពីង អាយុ៣៥ឆ្នាំ ពួកគាត់មានកូន៤នាក់ ក្នុងនោះ កូនស្រីតូចទើបមានអាយុ២ខែ ប៉ុណ្ណោះ ។ បុរសជាប្តីបានបន្តថាៈ មុនពេលកើតហេតុ អាគុយគាត់អស់ភ្លើងមិនអាចចាប់អំពូលបំភ្លឺបាន ទើបប្រពន្ឋគាត់បានទៅទិញប្រេងកាតយកមកចាក់ចង្កៀងដែលអស់ប្រង ពេលទិញបានក៏យកមកចាក់ ចង្កៀងដែលកំពុងឆេះដោយពុំបានពន្លត់នោះទេ ពេលនោះគ្រាន់តែផ្អៀងដបចាក់ចូលចង្កៀងក៏ស្រាប់តែផ្ទុះឆាបឡើងតែម្តង បណ្តាលអោយឆេះប្រពន្ឋគាត់មួយកំណាត់ខ្លួនចុះក្រោមយ៉ាងធ្នន់ធ្ងរ និងបានឆាប
ដល់ភ្នែកម្ខាងទៀតផង ។
ក្រោយកើតហេតុគាត់បានប្រញាប់ដឹកប្រពន្ឋគាត់មកមន្ទិរពេទ្យខេត្តជាបន្ទាន់
។ នៅព្រឹកថ្ងៃទី០៩ខែវិឆ្ឆិកានេះ បុរសជាប្តីបានប្រាប់ថាភ្នែកខាងស្តាំរបស់ប្រពន្ឋគាត់បានចេញខ្ទុះ ដែលគ្រូពេទ្យប្រាប់ថាៈ ជៀសមិនផុតពីងងិតនោះទេ ។ចំណែកមួយកំណាត់ចង្កេះចុះក្រោមគឺស្ថិតក្នុងសភាពធ្ងន់ធ្ងរជាខ្លាំង ។គាត់បានសង្ស័យថាៈអ្នកលក់ប្រេងកាតច្រឡំប្រេងសាំង តែអ្នកលក់បានអះអាងថាៈ ជាប្រងកាតទេ ហើយគាត់ក៏មិនអាចតវ៉ាគេបានដែរ។
បុរសជាប្តីបាននិយាយថាៈគ្រួសារគាត់កំពុងក្រីក្រស្រាប់ផង ពេលនេះគាត់មិនប្រកបរបអ្វីទេ កូន៣នាក់ទៀតកំពុងផ្ញើរនឹងជីដូនវាចំណែកគាត់កំពុងកំដរប្រពន្ឋដែលពេលនេះបានពីការភ្នែកមួយជំហៀងទៀត៕
