កំពងធំៈ ដើម្បីឲ្យមានសណ្តាប់ធ្នាប់និងវិន័យ សេចក្តីថ្លៃថ្នូរក្នុងជួរកងកម្លាំង គឺចាំបាច់ត្រូវតែមានការហ្វឹកហ្វឺននូវរបៀប របប និងយុទ្ធសាស្ត្រនានា ដល់កងកម្លាំងនូវរបៀបជាជួរកងទ័ព ទាំងការហ្វឹកហាត់ក្បួនយុត្តិសាស្ត្រកងទ័ព និងការ បណ្តុះបណ្តាលនូវចំណេះដឹងផ្សេងៗ ទាំងសីលធម៌ វិន័យ និងច្បាប់ ព្រមទាំងបណ្តុះបណ្តាលឲ្យមានការចូលរួមជួយសង្គ្រោះអាយុជីវិត ប្រជាពលរដ្ឋនិងការរួមរស់ដោយភាពសាមគ្គីផ្ទៃក្នុង។
ពិធីបើកវគ្គហ្វឹកហ្វឺននេះត្រូវបាន ចាត់ធ្វើឡើងនៅក្នុងតំបន់ប្រតិបត្តិការសឹករងកំពង់ធំ ក្រោមអធិបតីភាព ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ព្រមទាំងមេបញ្ជាការង និងនាយទាហាន ចូលរួមចំនួន ១២៥នាក់ និងសិក្ខាមចំនួន៦៥នាក់ចូលរួមក្នុងការហ្វឹកលំហាត់សណ្តាប់ធ្នាប់ និងវិន័យរបស់កងកម្លាំង ចំនួន
១៥ថ្ងៃ ចាប់ពីថ្ងៃទី ១៨ខែ វិឆ្ឆិកា ឆ្នាំ ២០១៤ ក្នុងគោលបំណង ដើម្បីចូលរួមអនុវត្ត៍ផែនការកែទម្រង់ក្នុងកងយោ ធពលខេមភូមិន្ទ តាមផែនការការហ្វឹកហ្វឺនរបស់មេបញ្ជាការរយោធភូមិភាគទី៤ និងលើកទិសដៅសកម្មភាពការងារ យោធាឆ្នាំ ២០១៤ របស់តំបន់ប្រតិបត្តិការសឹករងកំពង់ធំ ដើម្បីឲ្យយោធិនគ្រប់រូប អនុវត្តន៍ឲ្យបានត្រឹមត្រូវក្នុងការប្រណិបត្តិ និងការគាវៈកិច្ចចំពោះចំពោះថ្នាក់ដឹកនាំ ឬយោធិនដែលមានឋានន្តរសក្កិខ្ពស់ជាងខ្លួន។
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ផ្តាំផ្ញើរដល់សិក្ខាកាមទាំងអស់ ត្រូវយកចិត្តទុកដាក់រៀនសូត្រស្តាប់នូវអត្តន័យខ្លឹមសារដែល លោកគ្រូបានព្យាយាមណែនាំ ដើម្បីស្វែងយល់នូវការអនុវត្តន៍ និងទ្រឹស្តីជាក់ស្តែង និងគោរពនូវបទបញ្ជាផ្ទៃក្នុង និងវិន័យយោធា រួមទាំងការទុកដាក់និងការថែទាំអាវុធជាតិផ្ទុះដោយមានសុវត្តិភាព និងសង្ឃឹមថា
សិក្ខាមទាំងអស់និងប្រឹងប្រែងយ៉ាងយកចិត្តទុកដាក់បំផុត ក្នុងវគ្គហ្វឹកហ្វឺននេះ ជាចុងក្រោយឯកឧត្តម បាន កោតសរសើរនិងវាយតំលៃខ្ពស់ របស់អង្គភាពខ្លះទទួលបាននូវការបណ្តុះបណ្តាល និងយកទៅអនុវត្តន៍រហូតបានជោគជ័យ ក្នុងការដាំបន្លែ ចិញ្ចឹមសត្វ និងចុះជួយដល់ប្រជាពលរដ្ឋ ក្នុងគ្រាជួបនូវឧបព្វហេតុធម្មជាតិផ្សេងៗ ដូច្នេះក៏សូមឲ្យតាមបណ្តាអង្គភាពស្រុក ក្រុង ចំណុះឲ្យតំបន់ប្រតិបត្តិការសឹករងកំពង់ធំ ចូលរួមចំណែកដាំបន្លែនិងចិញ្ចឹមសត្វ ព្រមទាំងមានការហាត់ប្រាណជាប្រចាំដើម្បីឲ្យសុខភាពមាំមួន ។
ដោយ ប៊ុន រដ្ឋា
