យុវជនចំនួន០៥នាក់ ត្រូវកម្លាំងនគរបាល ក្រុងពោធិ៍សាត់ បានធ្វើការឃាត់ខ្លួន មកពីកន្លែងផ្សេងៗគ្នា ក្នុងក្រុងពោធិ៍សាត់ យកមកដាក់ក្នុងទ្រុង ក្នុងនោះម្នាក់រកឃើញថ្នាំញៀន ចំនួន៣កញ្ចប់ ។ ហេតុការណ៍ឃាត់ខ្លួនខាងលើ ធ្វើឡើងនៅក្នុងភូមិនានា ក្នុងក្រុងពោធិ៍សាត់ នៅវេលាម៉ោង ៨
យប់ ដល់ម៉ោង១២យប់ ថ្ងៃទី១៦ ខែធ្នូ ឆ្នាំ២០១៤ ជនឃាត់ខ្លួនខាងលើ មានសារធាតុញៀនក្នុងខ្លួន និងជាប់ ពាក់ព័ន្ធថ្នាំញៀន ទី១ឈ្មោះ សេត សាលឹម ភេទប្រុស អាយុ៣២ឆ្នាំ រកឃើញ
ថ្នាំញៀន ប្រភេទម៉ាទឹកកកចំនួន៣កញ្ចប់តូច ទី២ឈ្មោះ ស៊ឹម ហ្វីន ភេទប្រុស អាយុ ២៦ឆ្នាំ ទី៣ឈ្មោះ អ៊ុង រដ្ឋា ភេទប្រុស អាយុ ២៤ឆ្នាំ ទី៤ឈ្មោះ ស្លេះ ហ៊ូសេន ភេទប្រុស អាយុ២៦ឆ្នាំ អ្នកទាំង៤នាក់ខាងលើ រស់នៅភូមិបាក់រទេះ សង្កាត់ព្រៃញី ក្រុងពោធិ៍សាត់ ខេត្ដពោធិ៍សាត់ និងទី៥ឈ្មោះ សន ចាន់ ភេទប្រុស អាយុ២៤ឆ្នាំ មានទីលំនៅភូមិសំរោង២ ឃុំសាំហេង ស្រុកភ្នំក្រវ៉ាញ ខេត្ដពោធិ៍សាត់ ។
ប្រភពបានបន្ដទៀតថា ការឃាត់ខ្លួនអ្នកខាងលើនេះ សុទ្ធជាមុខសញ្ញាជាប់ពាក់ព័ន្ធសារធាតុញៀន ក្នុងចំណោម៥នាក់ ម្នាក់ឈ្មោះ សេត សាលឹម រកឃើញថ្នាំញៀន ប្រភេទម៉ាទឹកកក ចំនួន៣កញ្ចប់តូច នៅក្នុងខ្លួន ចំណែកអ្នកផ្សេង រងចាំធ្វើការពិនិត្យតាមរយៈទឹកនោមទើបដឹង នឹងត្រូវធ្វើយ៉ាងម៉ិចបន្ដ ៕
