រាជធានីភ្នំពេញ៖ កាលពីវេលាម៉ោង10និង40នាទី ថ្ងៃទី15 ខែមិនា ឆ្នាំ2014កម្លាំងនគបាលអធិការដ្ធានស្រុកបារាយរណ៍ដែលដឹកនាំដោយលោក ស្រី ច័ន្ទ សីុណា អធិការរងស្រុកបារាយរណ៍ ខេត្តកំពង់ធំ សហការជាមួយកម្លាំងនគបាលអធិការដ្ធានខណ្ឌឬស្សីកែវ រាជាធានីភ្នំពេញ ដឹកនាំ
ដោយលោក អីុវ ឈុន ផេង អធិការរងខណ្ឌឬស្សីកែវបានចុះឃាត់ខ្លួនបានជនសង្ស័យម្នាក់តាមដីការលេខ4184ចុះថ្ងៃទី10 ខែកញ្ញា ឆ្នាំ2012 ដោយលោក សីុម សាមើុ ចៅក្រមសើបសួរសាលាដំបូងខេត្តកំពង់ធំ ពីបទជួញដូរគ្រឿងញៀនខុសច្បាប់នៅចំនុចតាមបណ្ដោយផ្លូវជាតិលេខ5 ជិតផ្សាសាមគ្គី ស្ថិតក្នុងភូមិសាមគ្គី សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។ ជនសង្ស័យដែលត្រូវបានសមត្តកិច្ចធ្វើការឃាត់ខ្លួនតាមដីការពីបទជួញដូរគ្រឿងញៀននោះឈ្មោះ ស្រួយ ឡូត ភេទប្រុស អាយុ30ឆ្នាំ មានស្រុកកំណើតនៅភូមិត្រស់ ឃុំបល្លង្ក័ ស្រុកបារាយរណ៍ ខេត្តកំពង់ធំ បច្ចុប្បន្នស្នាក់នៅផ្ទះជួលលេខ06B ក្នុងក្រុមទី7 ភូមិបឹងសាឡាង សង្កាត់ឬស្សីកែវ រាជធានីភ្នំពេញ។ បើតាមប្រភពព័តមានពីលោក ស្រី ច័ន្ទ សីុណា អធិការរងខេត្តកំពង់ធំ បានអោយដឹងថា៖ ជនសង្ស័យដែលលោកបានចុះសហការហើយឃាត់ខ្លួនតាមដីការពេលនេះគឺបន្ទាប់ពីធ្វើការស្រាវជ្រាវអស់រយះពេលជិត2ឆ្នាំមកហើយគឺជនសង្ស័យរូបនេះជាមុខសញ្ញាចែកចាយគ្រឿងញៀនធំបំផុតនៅក្នុងស្រុកបារាយរណ៍ ហើយកន្លងមកកម្លាំងសមត្តកិច្ចស្រុកបារាយរណ៍របស់លោកបានធ្វើការឃាត់ខ្លួនបក្សពួកជនសង្ស័យរូបនេះចំនួន2នាក់រួចមកហើយបន្ទាប់ពីកម្លាំងសមត្តកិច្ចធ្វើការឃាត់ខ្លួនបក្សពួកជនសង្ស័យរូបនេះក៍បានរត់គេចខ្លួនតាំងពីឆ្នាំ2012មកម្លេះ។ បន្ទាប់ពីឃាត់ខ្លួនមេខ្លោងដែលជាមុខសញ្ញាចែកចាយគ្រឿងញៀនរូបនេះបានហើយកម្លាំងអធិការខណ្ឌឬស្សីកែវក៍បានបន្តចុះទៅឆែកឆេរបន្ទប់ផ្ទះជួលជនសង្ស័យរូបនោះបន្តទៀតតែពុំមានឃើញអ្វីទេ។ ជនសង្ស័យត្រូវបាននគបាលអធិការដ្ធានខណ្ឌឬស្សីកែវប្រគល់អោយនគបាលអធិការដ្ធានស្រុកបារាយរណ៍ដើម្បីចាប់ការតាមផ្លូវច្បាប់៕