យោងតាមសារព័ត៌មានមួយនៅក្នុងប្រទេសអង់គ្លេសបានឲ្យដឹងថា ក្លិបតោខៀវ Chelsea នឹងលក់ខ្សែប្រយុទ្ធសញ្ជាតិប៊ែលហ្សិក Romelu Lukaku នៅចុងបញ្ចប់រដូវកាលនេះ ។
គ្រូបង្វឹកក្លិប Chelsea លោក Jose Mourinho និយាយថា មានក្លិបពីរដែលកំពុងតែចុង បានខ្សែប្រយុទ្ធវ័យ 20ឆ្នាំរូបនេះ ដែលក្នុងនោះរួមមានក្លិប Atletico Madrid របស់អេស្ប៉ាញ និង ក្លិបរងជើងឯងកាលពីរដូវកាលមុនរបស់អាឡឺម៉ង់ Dortmund ។
គួរបញ្ជាក់ថា ខ្សែប្រយុទ្ធ Romelu Lukaku ត្រូវបានក្លិបតោខៀវ Chelsea នាំយកមកពីក្លិប Anderlecht កាលពីឆ្នាំ 2011 ហើយបន្ទាប់មកត្រូវបានផ្លាស់ទៅកាន់ក្លិប Everton ក្នុងលក្ខណៈខ្ចីជើងកាលពីរដូវកាលមុន ៕