រាជធានីភ្នំពេញះប្រជាពលរដ្នដែលមានមុខរបរតូចតាចហើយបានលក់ដូរនៅតាមចញ្ចើមផ្លូវបន្តិចបន្តួចដើម្បីបានថវិការយកទៅចិញ្ចឹមក្រពះនិងចិញ្ចឹមកូនចៅបានធ្វើការរិះគន់យ៉ាងខ្លាំងដល់ក្រុមសណ្ដាប់ធ្នាប់សាលាខណ្ឌដូនពេញបន្ទាប់ពីក្រុមសណ្ដាប់ធ្នាប់ទាំងនេះបានដើរធ្វើព្យុះធ្វើរ
ភ្លៀងបង្ករអោយមានភាពភ័យខ្លាចយ៉ាងខ្លាំងដល់ប្រជាពលរដ្ធទន់ខ្សោយហើយមិនតែប៉ុណ្ណោះទេបានដើរគម្រាមយកលុយដាក់ខែតាមកន្លែងលក់ដូរក្បែរចិញ្ចើមផ្លូវជាច្រើនកន្លែងដែលនៅក្នុងទឹកដីខណ្ឌដូនពេញទាំងមូលផងដែរប្រសិនជាអ្នកលក់ណាមួយមិនព្រមបង់លុយខែអោយពួកគេទេពួកគេគំរាមមិនអោយលក់ហើយយករថយន្ដរបស់គណបញ្ជាការឯកភាពខណ្ឌដូនពេញមកលើកយករបស់របរពួកគាត់ដូចជាចោរប្លន់អញ្ចឹងដោយឃើញទង្វើបែបនេះហើយទើបអ្នកលក់ដូរខ្លះគាត់មិនហ៊ានតតាំងក៏ចេះតែទ្រាំបង់អោយរៀងរាល់ខែទៅទោះបីរកបានឬមិនបានក៏ដោយព្រោះពយកគាត់គ្មានជម្រើស។បើតាមស្ត្រីមា្នក់ដែលលក់ដូរបន្ដិចបន្តួចនៅមុខក្រុមហ៊ុនទូរស័ព្ទមិត្រហ្វូនក្បែររង្វង់មូលកាំភ្លើងកួចកាណុង(រង្វង់មូលជ្រោយចង្វារត្រើយខាងលិច)ស្ថិតក្នុងសង្កាត់ស្រះចកខណ្ឌដូនពេញបានប្រាប់អ្នកយកព័តមានយើងទាំងទឹកភ្នែករលីងរលោងថាះគាត់មានការពិបាកចិត្តយ៉ាងខ្លាំងគាត់គ្មានមុខរបរអ្វីទេគឺលក់ដូរបន្ដិចបន្តួចបណ្ណោះនៅក្បែរចិញ្ចើមផ្លូវនេះហើយគាត់ពុំហ៊ានលក់នៅពេលថ្ងៃទេព្រោះខ្លាចមានការប៉ះពាលដល់ចរាចរណ៍គេគាត់សុខចិត្តលក់នៅពេលយប់ដើម្បីបានលុយកាក់ខ្លះចិញ្ចឹមជីវិតជារៀងរាល់ខែគាតត្រូវបានក្រុមសណ្ដាប់ធ្នាប់សាលាខណ្ឌដូនពេញមកយកលុយគាត់ជារៀងរាល់ខែក្នុងមួយខែគឺគាត់ត្រូវបង់អោយ៣០ដុល្លារដើម្បីបានលក់នៅកន្លែងនេះទោះបីជាគាត់សុំអង្វរយ៉ាងណាក៏ពួលគេមិនព្រមដែរហើយពួកគេថាបើមិនបង់អោយទេគេនឹងយករថយន្ដមកលើយកអីវ៉ាន់ទៅទាំងអស់មិនអោយលក់ទេហើយគេបានប្រាប់ថាគេមានរហ័សនាមM02ហើយគេឈ្មោះវិរះជាអ្នកបើបររថយន្ដអោយលោកសុខសម្បត្តិអភិបាលខណ្ឌដូនពេញទៀតផង។គួរបញ្ជាក់ផងដែរថាសណ្ដាប់ធ្នាប់សាលាខណ្ឌដូនពេញត្រូវបានប្រជាពលរដ្ធអោយជាប់ចំណាត់ថ្នាក់លេខ១ហើយខាងដើរយកលុយដាក់ខែនឹងរៀបចំសណ្ដាប់ធ្នាប់តាមទីសាធារណះកុំថាឡើយតែអ្នកលក់ក្បែរចិញ្ចើមផ្លូវសូប្បីតែអ្នកលក់អំពៅសាងតាមរង្វង់មូលវត្តភ្នំក៏ក្រុមសណ្ដាប់ធ្នាប់នេះមិនលើលែងដែរប្រជាពលរដ្ធមានការត្រេកអរពេលឃើញក្រុមសណ្ដាប់ធ្នាប់សាលាខណ្ឌដូនពេញទាំងនោះចុះរៀបចំសណ្ដាប់ធ្នាប់តាមទីសាធាណះបានល្អនោះក៏ប៉ុន្តែគេនៅមិនទាន់ឃើញថានៅមាប្រសិទ្ធភាពនៅឡើងនោះទេគឺបានតែមួយដង្ហើបចង្រិតតែប៉ុណ្ណោះដូចជាអ្នកលក់នំប័ង្កសាច់នៅជិតរង្វង់មូលជ្រោយចង្វារផ្លូវលេខ៩៣អញ្ចឹងឃើញនាំគ្នាចុះចាប់ដាក់ឡានឈប់អោយលក់បានតែប៉ុន្មានថ្ងៃប៉ុណ្ណោះស្រាប់តែឃើញលក់ដ៏ដែលមានជាច្រើនកន្លែងទៀតដូចជា មុខមន្ទីពេទ្យកាលម៉ែត្រ មុខមន្ទីពេទ្យកេតុមាលា មុខផែថ្ម ជាដើមនិងកន្លែងជាច្រើនទៀត។គេពុំដឹងថាលុយដែលក្រុមសណ្ដាប់ធ្នាប់សាលាខណ្ឌដូនពេញដើរដាក់ខែរៀងរាល់ខែតាមកន្លែងលក់ក្បែរចិញ្ចើមផ្លូវជាច្រើនកន្លែងនៅក្នុងខណ្ឌដូនពេញទាំងមូលក្នុងមួយខែៗរាប់លាននោះពួកគេយកទៅបង់ចូលរដ្ធដែរឬអត់នោះទេ?តែបើតាមការអោយដឹងចូលហោប៉ៅច្រើនជាង។ប្រជាពលរដ្ធបានសំណូពពរដល់លោកសុខសម្បត្តិអភិបាលខណ្ឌដូនពេញសូមមេត្តាជួយចាត់វិធានការរឿងនេះអោយបានឆាប់រហ័សផងប្រសិនជាសាលាខណ្ឌដូនពេញគ្មានវិធានការចាត់ការទេពួកគាត់នឹងនាំគ្នាទៅដាក់ពាក្យបណ្ដឹងនៅអង្គភាពប្រឆាំងអំពើពុករលួយក្នុងពេលឆាប់ៗនេះមិនខាន៕