បាត់ដំបង: ករណីប៉ុនប៉ងរំលោភមួយដែលជិតនឹងបានសំរេចបានកើតឡើងកាលពីថ្ងៃទី27-1-15វេលាម៉ោង9,40នាទីយប់ ត្រង់ចំនុចភូមិដុបក្រសាំង ឃុំព្រៃតូច ស្រុកមោងឫស្សី ខេត្តបាត់ដំបងបន្ទាប់ពីបុរសដែលត្រូវជាឪពុកមាស្រវុឹងជោគជាំហ៊ានចូលទៅចាប់ឱប និងសំរាតក្មួយរបស់ខ្លួនឯងនៅក្នុងបន្ទប់ទឹកខណ:ពេលដែលនាងស្លៀកកន្សែងចោមពុងបំរុង
ងូតទឹក ។
យោងតាមពាក្យបណ្តឹងរបស់ស្ត្រីជាម្តាយដែលអះអាងដោយលោកវរ:សេនីយ៍ទោ
គិត ហ៊ាង អធិការនគរបាលស្រុកមោងឫស្សីបានអោយដឹងថា នៅមុនពេលកើតហេតុគឺកូនស្រីរបស់អ្នកស្រីដែលមានឈ្មោះ ល ម ច អាយុ19ឆ្នាំ បានចោមពុងកន្សែងចុះទៅងូតទឹកនៅក្នុងបន្ទប់ទឹក ខាងក្រោមផ្ទះ ប៉ុន្តែមិនបានប៉ុន្មាននាទីផងក៏ស្រាប់តែឮសំលេងនាងស្រែកយ៉ាងខ្លាំងចេញពីក្នុងបន្ទប់ទឹកដែលធ្វើអោយអារម្មណ៍របស់គាត់បានគិតថានាងប្រាកដជាឆក់ខ្សែភ្លើងជាមិនខានទើប
គាត់បានស្ទុះចុះពីលើផ្ទះរត់តំរង់ទៅរកកុងតាក់ភ្លើងដើម្បីបិទផ្តាច់ចរន្ត ហើយបានមួយភ្លែតគាត់ក៏បើកឡើងវិញក៏ស្រាប់ទេឃើញយុវជនម្នាក់ដែលមានឈ្មោះ ហ៊ាន រស្មី ហៅសុខ អាយុ25ឆ្នាំដែលត្រូវជាប្អូនរបស់គាត់ហើយមានទីលំនៅ នៅជាប់គ្នាបានរត់ចេញពីក្នុងបន្ទប់ទឹកចូលទៅសំងំ ក្នុងផ្ទះរបស់វាបាត់ឈឹង ចំណែកកូនស្រីរបស់គាត់គឺបានរបូតកន្សែងចេញពីខ្លួនអស់ទៅហើយទើបគាត់សំរេចចិត្តប្តឹងទៅសមត្ថកិច្ចតែម្តង ។
ដោយឡែកនារីរងគ្រោះបានឆ្លើយបំភ្លឺនៅចំពោះមុខសមត្ថកិច្ចថា ខណ:ពេលដែលនាង ចោមពុងកន្សែងចូលទៅក្នុងបន្ទប់ទឹកដោយបំរុងនឹងងូតទឹកហើយមិនទាន់ទាំងបានបិទទ្វារបន្ទប់ ផងនោះក៏ស្រាប់តែឃើញពូសុខ រត់ចូលទៅក្នុងបន្ទប់ទឹកនោះដែរហើយគាត់ស្លៀកតែខោលីអូតែមួយគត់ប៉ុណ្ណោះ ព្រមទាំងបានចាប់ទាញកន្សែងនាងរបូតចេញពីខ្លួនប្រាណអស់ ដោយគាត់បានធ្វើសកម្មភាពចាប់ឱបនាង ច្របាច់សាច់លើរាងកាយនាងសព្វទីកន្លែងទាំងអស់ ហើយបំរុង រំលោភនាងថែមទៀត ទើបនាងបានស្រែកហៅម្តាយអោយជួយហើយគាត់ក៏រត់ចូលផ្ទះបាត់ទៅក្នុងអារម្មណ៍របស់នាងមានការភិតភ័យយ៉ាងខ្លាំងព្រោះនេះជាលើកទីមួយហើយដែលមានមនុស្សមកធ្វើរបៀបនេះម្យ៉ាងគឺជាសាច់ឈាមមានិងក្មួយទៀត ។
ក្រោយកើតហេតុភ្លាមៗលោកអធិការ គិត ហ៊ាង បានចាត់កំលាំងជំនាញចុះទៅនាំខ្លួន
ជនសង្ស័យរូបនោះមករក្សាទុកនៅប៉ុស្តិ៍នគរបាលរដ្ឋបាលដោយសារតែមិនអាចសាកសួរបានព្រោះជនសង្ស័យមានសភាពស្រវឹងស្រាខ្លាំងនិយាយស្តីលែងត្រូវទៅហើយ លុះនៅវេលាម៉ោង8,25នាទីទើបលោកសុំគោលការទៅលោកស្នងការដើម្បីធ្វើការឃាត់ខ្លួនតែម្តងដើម្បីបញ្ជូនទៅកាន់ការិយាល័យជំនាញនៃស្នងការដ្ឋាននគរបាលខេត្ត និងចាត់ការទៅតាមផ្លូវច្បាប់ ៕
