សៀមរាប : ក្នុងកិច្ចចុះប្រិត្តិការណ៍ខាងលើត្រូវបានធ្វើឡើងកាលពីវេលាម៉ោង ២១ ថ្ងៃទី ៣០ ខែ មករា ឆ្នាំ ២០១៥ កន្លងទៅ នៅក្នុងភូមិ ទី ១ សង្កាត់ ចុងឃ្នៀស ក្រុង និង ខេត្តសៀមរាប ។ លោក វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថាដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ក៏ដូចជាដើម្បីធ្វើអោយការអនុវត្តនូវគោលនយោបាយភូមិឃុំមានសុវត្ថិភាព អោយ កាន់តែមានប្រសិទ្ធភាពខ្ពស់។ ទើបជាក់ស្តែងជនសង្ស័យ ដែលមាន ឈ្មោះ លឹម វុធ ធឿន ភេទប្រុស អាយុ ២១ ឆ្នាំ មានទីលំនៅក្នុងភូមិ ទី ១ សង្កាត់ ចុងឃ្នៀស ក្រុង និង ខេត្តសៀមរាប ម្នាក់នេះមិនអាចរត់គេចពីសមត្ថកិច្ចជំនាញបានឡើយ ។ លោក វរសេនីយ៍ទោ អ៊ុំ សាអាត បានបន្តអោយដឹងទៀតថា បន្ទាប់ពីបានធ្វើការឃាត់ខ្លួននិងបានសួរនាំជនសង្ស័យជាប់ពាក់ព័ន្ធក្នុងករណីខាងលើហើយនោះនៅមុខសមត្ថកិច្ចជនសង្ស័យបានឆ្លើយសារភាពថាគេពិតជាបានប្រព្រឹត្តនៅករណីខាងលើពិតប្រាកដមែន ក្នុងនោះសមត្ថកិច្ចបានធ្វើការដកហូតបាននូវវត្ថុតាងពីជនសង្ស័យបាននូវឩបករណ៍សម្រាប់ប្រើប្រាស់គ្រឿងញៀនខុសច្បាប់មួយចំនួន ថង់សម្រាប់វេចខ្ចប់គ្រឿងញៀនមួយចំនួនទៀត ។ ក្នុងករណីខាងលើសមត្ថកិច្ចបានបញ្ជាក់ថាជន សង្ស័យរូបនេះគឺជាមុខសញ្ញាដ៏សកម្មនៅក្នុងភូមិ សង្កាត់កើតហេតុខាងលើផងដែរ បច្ចុប្បន្នទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយកាលថ្ងៃទី០១ខែកុម្ភះ នេះ ដើម្បីចំណាត់ការទៅតាមផ្លូវច្បាប់បន្ត ៕
លោក ខេង ខេមរា