ខេត្តស្វាយរៀងៈមានគ្រោះថ្នាក់ចរាចរណ៍ដ៏អាក្រក់បណ្តាលឲ្យមនុស្សប្រុសស្រី២នាក់រងរបួសធ្ងន់ធ្ងរនិងក្មេងប្រុសអាយុ២ឆ្នាំរងរបួសស្រាលមូលហេតុរថយន្តទេសចរណ៍ដឹកអ្នកដំណើរ៤៥កៅអី បុករថយន្តទូរីស១២កៅអីបើងក្រឡាប់ពីរបីត្រឡប់រុញថយក្រោយ
ចម្ងាយប្រមាណជាង៣០ម៉ែត្របណ្តាលឲ្យអ្នកដំណើរ២នាក់ម្តាយកូននិងអ្នកបើកបររថយន្តទូរីសរងរបួសធ្ងន់ធ្ងរត្រូវអ្នកស្រុកជួយគាស់ទាញចេញពីក្នុងរថយន្តនិងហៅរថយន្តសាមុយស្នងការនគបាលខេត្តដឹកទៅមន្ទីរពេទ្យខេត្តដើម្បីសង្គ្រោះ។ករណីគ្រោះថ្នាក់ចរាចរណ៍ដ៏អាក្រក់នេះកើតឡើងកាលពីវេលាម៉ោង២និង៣០នាទីរសៀលថ្ងៃទី១កុម្ភៈ២០១៥នៅលើកំណាត់ផ្លូវជាតិលេខ១ចំណុចខាងមុខក្លោងទ្វាវត្តខ្ជាយស្ថិតនៅភូមិស្វាយតឿសង្កាត់ស្វាយតឿក្រុងស្វាយរៀង។
ជនរងគ្រោះទី១ឈ្មោះដួងរ៉េត ភេទប្រុសអាយុ៣៥ឆ្នាំជាអ្នកបើកបររថយន្ត មានទីលំនៅភូមិកំពង់ភ្នំឃុំកំពង់ភ្នំស្រុកលើកដែកខេត្តកណ្តាលរងរបួសបែកក្បាលពីក្រោយធ្ងន់ធ្ងរនិងរបួសរលាត់ដៃជើងដងខ្លួន។ ២ឈ្មោះរិសោភា ភេទស្រីអាយុ២៧ឆ្នាំ មានទីលំនៅភូមិថ្មី ឃុំកោះក្រឡ ស្រុកកោះក្រឡខេត្តបាត់ដំបរងរបួសបែកចិញ្ចើមបែកចង្កានិងរលាត់ដៃជើងចំ
ដើមទ្រូងធ្ងន់ធ្ងរ។៣ឈ្មោះលីយ៉ាភេទប្រុសអាយុ២ឆ្នាំរងរបួសពកក្បាលបែកមាត់របួសស្រាល។ហើយស្ត្រីរងគ្រោះបានឲ្យដឹងថានាងធ្វើដំណើរពីកោះក្រឡមកលេងយាយឈ្មោះឈឹមណុលអាយុ៦៨ឆ្នាំនៅភូមិតាបិបសង្កាត់បាវិតក្រុងបាវិត។
បើតាមមន្ត្រីនគបាលក្រុងស្វាយរៀងបានឲ្យដឹងថាមុនពេលកើតហេតុគេឃើញរថយន្តទូរីស១២កៅអី ពណ័ស ពាក់ស្លាកលេខភ្នំពេញ២I•០០២១បើកបរពីរទឹសខាងលិចមកកើតលុះមកដល់ចំណុចកើតហេតុខាងលើក៏ឈប់អែបលើចិញ្ចើមថ្នល់ដាក់ម៉ូយចុះបន្ទាប់មក
អ្នកបើកបររថយន្តបានចុះពីរដៃចង្កូតឡើងចូលក្នុងរថយន្តដើម្បីលើកអីវ៉ាន់ចុះពីរថយន្តឲ្យភ្ញៀវពេលកំពុងនៅក្នុងរថយន្តស្រាប់តែមានរថយន្តទេសចរណ៍៤៥កៅអីពាក់ស្លាកលេខភ្នំពេញ៣B៩៩៩៣របស់ក្រុមហ៊ុនវ៉ាងប៉ិចដឹកអ្នកដំណើរពេញរថយន្តបើកបរពីទឹសខាងកើតមកទឹសខាងលិចបញ្ច្រាស់ទឹសគ្នាវ៉ាជែងជាមួយរថយន្តដឹកទំនិញធុនធំក៏ជ្រុលចង្កូតបុករថយន្តទូរីសដែលឈប់ដាក់ម៉ូយចតស្ងៀមពេញទំហ៊ឹងបើងពីបីត្រឡប់បើងចម្ងាយជាង៣០ម៉ែត្របណ្តាលឲ្យជនរងគ្រោះ៣នាក់នៅក្នុងរថយន្តទូរីសរងរបួសធ្ងន់ធ្ងរត្រូវអ្នកស្រុកគាស់ទាញចេញពីរថយន្ត។
រីឯអ្នកបើករថយន្តទូរីសបានឲ្យដឹងថាគាត់ដឹកម៉ូយពីរាជធានីភ្នំពេញមក្រុងបាវិតខេត្តស្វាយរៀងបានដាក់ម៉ូយចុះអស់នៅចំណុចមុខក្លោងទ្វាវត្តខ្ជាយហើយនៅសល់ម៉ូយ២នាក់ម្តាយកូនគឺឈប់ចាំផ្ញើររថយន្តផ្សេងក៏ជួបគ្រោះតែម្ដង។ រថយន្តទូរីសខូចខាតទាំងស្រុងរីឯរថយន្តបង្កខូចផ្នែកខាងមុខធ្ពាល់ខាងឆ្វេញក្រោយពីបង្កហេតុអ្នកបើករថយន្តទេសចរណ៍លោតចុះចោលដៃចង្កូតរត់គេចខ្លួនបាត់ឈឹង។បន្ទាប់មកសមត្ថកិច្ចចុះទៅពិនិត្យវាស់វែងនិងយករថយន្តទាំង២គ្រឿងទៅរក្សាទុកនៅការិយាលយ័នគបាលចរាចរណ៍ស្នងការនគបាលខេត្តរង់ចាំការដោះស្រាយតាមច្បាប់។
