បន្ទាយមានជ័យ: រថយន្តដឹកទំនិញ១គ្រឿងបើកហួសល្បឿនកំណត់ជ្រុលចង្កូតទៅបុកផ្ទះលក់សាំងនិងក្រឿងកំប៉ុងឆេះអស់ផ្ទះ១កំណាត់មុខ និងឆេះទំនិញអស់ជាច្រើនពាន់ដុល្លា។
ហេតុការណ៍ឆេះ ផ្ទះអស់១កំណាត់មុខ និងទំនិញជាច្រើនពាន់ដុល្លានេះ កើតឡើងនៅវេលាប្រមាណម៉ោង ៣ និង៣០នាទី ល្ងាចថ្ងៃទី ០៦ មករា ២០១៥ នៅជិតសាលាក្រុងសិរីសោភ័ណ ទល់មុខមន្ទីរធនធានទឹក ផ្លូវ ជាតិលេខ៥៦ កែងផ្លូវជាតិខេត្ត៧មករា ក្នុងភូមិ សូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមាន ជ័យ។
សាក្សីឃើញហេតុការដែលជាសាច់ញាតិម្ចាស់ផ្ទះរងគ្រោះប្រាប់ថា: ខណះគាត់កំពុងចាក់សាំង អោយម៉ូតូ ១គ្រឿង ស្រាប់តែឃើញ រថយន្ត១គ្រឿងដឹកទំនិញចែកចាយក្នុងក្រុងសិរីសោភ័ណ បើកបរពីជើងទៅ ត្បូងយ៉ាងលឿនលុះដល់កន្លែកើតហេតុ ក៍រេចង្កូតបុកចូលផ្ទះដែលម្ចាស់បានចេញទៅផ្សារផ្ញើទុក អោយជីដូនចាស់ម្នាក់ និងបងប្អូនផិតខាងជួយមើល។
អ្នកដឹងសាវតារថយន្តប្រាប់ថា រថយន្តបង្កដែលបានឆេះខ្លោចខ្ទេចនោះមាន ម៉ាក់នីសាន់ កែ កង់៦ភ្លៅ២ មានទំងន់ផ្ទុក ៥តោន ជារថយន្តដឹកទំនិញ របស់ឈ្មោះ គីម ដឹកទំនិញពីភ្នំពេញមកចែកចាយក្នុងក្រុងសិរីសោភ័ណ ហើយរថយន្ត១គ្រឿងនេះ តែងបើកបរប្រហ៊ើន ក្នុងល្បឿនលឿន មិនគិតពីសុវត្តិភាពអ្នកដ៍ទៃ ហើយធ្លាប់បើកបង្ករគ្រោះថ្នាក់ជាច្រើនលើកផងដែរ។
ក្រោយហេតុការណ៍នេះរថយន្តអគ្គីភ័យ ស្នងការនគរបាលខេត្តបន្ទាយមានជ័យ បានមកជួយអន្តរាគមន៍ ទាន់ពេលវេលា មិនបណ្ដាលអោយជ្ទះជនរងគ្រោះឆាបឆេះទាំងស្រុង គឺឆេះត្រឹម១កំណាត់មុខ និងទ្រព្យសម្បត្តិ ព្រមទាំងម៉ូតូ១គ្រឿង ម៉ាក ស៊ូមើអ៊ិច ដែលម្ចាស់គេចខ្លួនពេលរថយន្តបង្កតម្រង់បុកចូលក្នុងផ្ទះកើតហេតុ។
សម្ត្តកិច្ចប្រាប់ថា: ជនរងគ្រោះដែលជាម្ចាស់ផ្ទះឆេះ មានឈ្មោះ ខន ខែមប្តីអាយុ ៥០ឆ្នាំនិងប្រពន្ធ សុជាតិ អាយុ ៤០ឆ្នាំប្រពន្ធ រស់នៅភូមិឃុំកើតហេតុនិង ជីដូនម្នាក់ រងគ្រោះរលាកស្រាលត្រូវបានបញ្ជូនទៅមន្ទីរពេទ្យ៕
ដោយ:ឃិន គន្ធា