ខេត្តត្បូងឃ្មុំ: យុវជនម្នាក់បានរងរបួសបាក់ភ្លៅយ៉ាងធ្ងន់ធ្ងរ ដោយសារបើកម៉ូតូសណ្តោងរឺុម៉ក ក៏រេចង្កូតជ្រុលទៅបុករថយន្តលិចសីុសនៅចំណែកផ្លូវម្ខាង ក្នុងខណះពេលចុះចំណោតលើផ្លូវកោង នេះបើតាមការេអះអាងរបស់សម្មត្ថកិច្ចនគរបាលមូលដ្ឋាន។
ហេតុការណ៍នេះកើតឡើង នៅវេលាម៉ោង១២ថ្ងៃត្រង់ទី០៧ ខែ កុម្ភៈ ឆ្នាំ ២០១៥ នៅលើដងផ្លូវជាតិលេខ ១១ត្រង់ចំណុច ផ្លូវកោងចុះចំណោត ស្ថិតក្នុងភូមិ ស្រែស្ពៃ ឃុំ គងជ័យ ស្រុក អូររាំងឪ ខេត្ត ត្បូងឃ្មុំ ។
សម្មត្ថកិច្ចនគរបាលបាដឹងថា យុវជនដែលបើកម៉ូតូសណ្តោងរឺុម៉ករងរបួសធ្ងន់ ឈ្មោះ វុន ពៅ ភេទប្រុស អាយុ១៦ឆ្នាំ រស់នៅភូមិសុក្រុំ ឃុំគងជ័យ ស្រុកអូរាំងឪ ខេត្តត្បូងឃ្មុំ។បានជ្រុលទៅបុក រថយន្តម៉ាក លុចស៊ិស RX 300 ពណ៍ ខ្មៅ ពាក់ស្លាកលេខ (ភ្នំពេញ2H-8135) បើកបរដោយឈ្មោះ ហ៊ល គីម ភេទ ប្រុស អាយុ ៤១ ឆ្នាំ មានទីលំនៅ ផ្ទះលេខ ៦៦ សង្កាត់ ទួលទំពូង
ខ័ណ្ឌ ចំការមន ក្រុង ភ្នំពេញ (គ្មានរបួស) រួមដំណើរជាមួយកូនឈ្មោះ ហ៊ល ដាវីត ភេទ ប្រុស អាយុ ១២ ឆ្នាំ( រងរបួសស្រាល )។ម៉ូតូសណ្តោងរឺុម៉កបើកបរក្នុងទិសដៅពីត្បូង ទៅទិសខាងជើងចុះចំណោត ចំណែករថយន្ត លុចស៊ិស RX 300 បើកបរក្នុងទិសដៅពីជើង ទៅទិសខាងត្បូងលុះមកដល់កន្លែងកើតហេតុ ក៏បុកគ្នាតែម្តង និងបណ្តាលឲម្ចាស់ម៉ូតូរឺម៉ករងរបួសបាក់ភ្លៅយ៉ាងធ្ងន់ធ្ងរត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យកាល់មែ៉ត្ររាជធានីភ្នំពេញ។
សម្មត្ថកិច្ចបានបញ្ជាក់ឲដឹងថាករណីនេះ ការខូចខាត ម៉ូតូ ០១ គ្រឿងធ្ងន់ រឺុម៉កកំរិតស្ររថយន្ត០១ គ្រឿង កំរិតធ្ងន់ ហើយវត្ថុតាងបង្ករត្រូវបានយកទៅរក្សារទុកកន្លែងអធិការដ្ឋានរងចាំដោះស្រាយតាមនិតិវិធី៕
