ភ្នំពេញ ៖ យុវជនម្នាក់ជិះម៉ូតូFZបត់ឆ្លងផ្លូវមិនប្រយ័ត្ន ត្រូវម៉ូតូលែតមួយគ្រឿង ជិះដោយយុវជន2នាក់ វ៉ារថយន្តមួយគ្រឿនៅពីមុខបុកដួលរងរបួសទាំងសងខាង។ហេតុការណ៍នេះបានកើតឡើងកាលពីវេលាម៉ោង7និង30នាទីយប់ ថ្ងៃទី10 ខែកុម្ភៈ ឆ្នាំ២០១៥ ត្រង់ចំណុចក្បែរមជ្ឈមណ្ឌល មង្គលឧត្ដម តាមបណ្តោយផ្លូវលេខ371 ស្ថិតក្នុងភូមិក្បាលទំនប់ថ្មី សង្កាត់បឹងទំពុន ខណ្ឌមានជ័យ។ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញយុវជនម្នាក់ជិះម៉ូតូមួយគ្រឿងម៉ាកយ៉ាម៉ាហាFZ ពណ៌ខ្មៅ ពាក់ស្លាកលេខ ភ្នំពេញ 1BL-5252 ធ្វើដំណើរតាមបណ្ដោយបេតុង48BT ឡើងចំណោទមកផ្លូវលេខ371 បំរុងបត់ឆ្វេង ខណៈនោះក៏មានយុវជន2នាក់ជិះម៉ូតូស៊ុយស៊ូគីលែតមួយគ្រឿង ពណ៌ស ពាក់ស្លាកលេខ ភ្នំពេញ 1CU-2483 ធ្វើដំណើរតាមបណ្ដោយផ្លូវលេខ371 ទិសដៅពីជើងទៅត្បូង ក្នុងល្បឿនយ៉ាងលឿនដោយវ៉ារថយន្តមួយគ្រឿងនៅពីមុខ ក៏អកសឺជ្រុលទៅបុកចំម៉ូតFZដួលអូស បណ្ដាលអោយភាគីខាងម៉ូតូFZរងរបួសចំជើងងើបមិនរួច ចំណែកភាគីខាងម៉ូតូលែតរងរបួសរលាត់ដៃជើងនិងផ្ទៃមុខ។
បន្ទាប់ពីកើតហេតុសមត្ថកិច្ចមូលដ្ឋានបានមកអន្តរាគមន៍ភ្លាមៗ និងបានគូសសញ្ញាសំគាល់អូសម៉ូតូទាំង2គ្រឿងទុកក្បែរចិញ្ចើមផ្លូវដើម្បីកុំអោយស្ទះចរាចរ និងបានអោយភាគីទាំង2 ធ្វើការដោះស្រាយគ្នាប៉ុន្តែមិនត្រូវដោយភាគីទាំង2អះអាងយកត្រូវរៀងខ្លួន ទើបសមត្ថកិច្ចសំរេចហៅសមត្ថកិច្ចជំនាញ ចុះវាស់វែងយកម៉ូតូទាំ2គ្រឿងទៅរក្សាទុកនៅអធិការដ្ឋាននគរបាលខណ្ឌមានដើម្បីដោះស្រាយតាមច្បាប់៕