ខេត្ដកំពង់ស្ពឺ ៖បុរសម្នាក់បានស្លាប់ភ្លាមៗនៅកន្លែងកើតហេតុនិងពីរនាក់ទៀតរងរបួសហើយត្រូវបានរថយន្តដឹកយកទៅសង្គ្រោះខណះដែលជិះម៉ូតូមួយគ្រឿងហើយត្រូវបានរថយន្តបើកកៀររួចកិនស្លាប់អ្នកបើក។
ហេតុការណ៍ខាងលើនេះបានកើតឡើងនៅ វេលាម៉ោង១០និង៣០នាទីព្រឹកថ្ងៃទី១១ ខែកុម្ភៈ ឆ្នាំ២០១៥ លើកំណាត់ផ្លូវលេខ ៤៤ ចន្លោះគីឡូម៉ែត្រលេខ២២-២៣ ស្ថិតក្នុភូមិកូនលោក ឃុំទំព័រមាស ស្រុកសំរោងទង ខេត្ដកំពង់ស្ពឺ ។
នគរបាល ឱ្យដឹងថា អ្នកបើកម៉ូតូដែលត្រូវរថយន្ដកិនស្លាប់ ឈ្មោះ ខែម ថេង ភេទប្រុស អាយុ៣៥ ឆ្នាំ និងអ្នករួមដំណើររងរបួសធ្ងន់ឈ្មោះ សាម សេត ភេទប្រុស អាយុ៤០ឆ្នាំ និង ឈ្មោះសែម បុយ ភេទប្រុស អាយុ៤៥ ឆ្នាំ អ្នកទាំង៣រស់នៅភូមិព្រៃធំ ឃុំ សាមគ្គី ស្រុកឧដុង្គ ខេត្ដកំពង់ស្ពឺជិះម៉ូតូមួយគ្រឿងម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1F-0380 ។
មន្ដ្រីដដែលបានឱ្យដឹងទៀតថា រថយន្ដ បង្កម៉ាកកាម៉ាស់ ពណ៌លឿងលាយស ពាក់ស្លាកលេខ ក.១១៤២ ភព៣ ហើយ អ្នកបើកបរបានរត់គេចខ្លួនពីកន្លែងកើត ហេតុប៉ុន្ដែយ៉ាងណាក៏ដោយគេបាន ស្គាល់ឈ្មោះអ្នកបើកបរ អុល ង៉ែត ភេទ ប្រុស អាយុ២៣ឆ្នាំ មានទីលំនៅភូមិ ស្វាយយា ឃុំ-ស្រុកស្វាយជ្រំ ខេត្ដស្វាយរៀង ។
បើតាមសាក្សីប្រាប់សមត្ថកិច្ចថា គ្រោះថ្នាក់ចរាចរណ៍ខាងលើនេះគឺរថយន្ដ និងម៉ូតូធ្វើដំណើរស្របទិសគ្នា លុះពេល មកដល់ចំណុចកើតហេតុរថយន្ដដែល បើកពីក្រោយម៉ូតូជនរងគ្រោះបានបើក ជែងម៉ូតូជនរងគ្រោះ តែជែងមិនផុតក៏ កៀរម៉ូតូឱ្យដួល រួចអ្នកបើកម៉ូតូត្រូវកង់ រថយន្ដផ្នែកខាងក្រោយកិនស្លាប់មួយ រំពេចតែម្ដង ។ ចំណែកអ្នករួមដំណើរ២ នាក់បានខ្ទាចឆ្ងាយពីកង់រថយន្ដរងរបួស ធ្ងន់ ត្រូវបានគេបញ្ជូនទៅសង្គ្រោះនៅ មន្ទីរពេទ្យបង្អែកខេត្ត ។
បច្ចុប្បន្នរថយន្ដបង្កនិងម៉ូតូជនរង គ្រោះសមត្ថកិច្ចនគរបាលបានយកទៅ រក្សាទុកដើម្បីរង់ចាំដោះស្រាយតាមច្បាប់ ៕
