ភ្នំពេញៈ ម៉ូតូមួយគ្រឿង ម៉ាកសង់ សេ១២៥ ឆ្នាំ២០១៤ បានសម្រេច នៅពេលដែលដល់កន្លែងស្ងាត់ ក្នុងភូមិសាស្ត្រផ្លូវរទះភ្លើង ខណ្ឌពោធិ៍សែនជ័យ ជនសង្ស័យ២នាក់ ប្រដាប់ដោយកាំភ្លើងមួយដើម បានឲ្យបុរសម្នាក់ជានាក់រត់ម៉ូតូឌុប ដឹកទៅកន្លែងស្ងាត់ ហើយធ្វើសកម្មភាពភ្ជុងប្លន់ យកម៉ូតូមួយគឿង ម៉ាកសេ១២៥ ហើយបានគេចខ្លួនបាត់ដោយសុវត្តិភាព ។ ហេតុការណ៍នេះ បានកើតឡើងកាលពីវេលាម៉ោង២០និង០៥នាទីយប់ ថ្ងៃទី១២ ខែកុម្ភៈ ឆ្នាំ២០១៥ នៅចំណុចផ្លូវរទះភ្លើង សង្កាត់កាកាប ខណ្ឌពោធិ៍សែនជ័យ ។
តាមការៀបរាប់ពីជនរងគ្រោះ បានឲ្យដឹងថា មុនពេលកើតហេតុ រូបគេបានចេញពីកន្លែងធ្វើការ ជាចុងភៅ ដោយមានពេលទំនេរ ក៏ឆ្លៀតរត់ម៉ូតូឌុប ខណៈដល់វេលាកើតហេតុខាងលើ ក៏ស្រាប់តែមានជនសង្ស័យ២នាក់ បានហៅគាត់ឲ្យឌុបពីចំណុចមុខក្រសួងការបរទេស ទៅម្តុំវត្តតាំងក្រសាំង ខណៈមកដល់ចំណុចកើតហេតុ កន្លែងក៏ងងឹតទៀតនោះ ស្រាប់តែជនសង្ស័យ២នាក់នោះ បានឲ្យរួបគាត់ឈប់ម៉ូតូ ហើយបានដកកាំភ្លើងចេញពីចង្កោះ ភ្ជង់ប្លន់យកម៉ូតូ ហើយជិះគេចខ្លួនបាត់ស្រមោលតែម្តង ។
យោងតាមប្រភពដដែល បានបន្តថា ម៉ូតូដែលត្រូវក្រុមចោរប្លន់យកទៅនោះ ម៉ាកសេ១២៥ សេរីឆ្នាំ២០១៤ ពណ៌ខ្មៅ គ្នានស្លាកលេខ ។ ក្រោយពេលកើតហេតុ សមត្ថកិច្ចបានចុះមកដល់ចំណុចកើតហេតុផងដែរ និងបាននាំជនរងគ្រោះ ទៅដាក់ពាក្យបណ្តឹងនៅប៉ុស្តិ៍កាកាប ដើម្បីងាយស្រួលដល់សមត្ថកិច្ច ក្នុងការស្រាវជ្រាវតាមចាប់ក្រុមចោរប្លន់ប្រដាប់អាវុធខាងលើនេះ យកមកដាក់ទោសតាមផ្លូវច្បាប់ ៕
