ខេត្តព្រះសីហនុលោក នូ សុផល ប្រធានមន្ទីរទេសចរណ៌ខេត្តព្រះសីហនុ បានឪ្យដឹងថា ក្នុងរយះពេលពិធីបុណ្យចូលឆ្នាំចិន វៀតណាម រយពេល៣ថ្ងៃ គីពីថ្ងៃទី១៨ ដល់ថ្ងៃទី២០ ខែកុម្ភះ ឆ្នាំ២០១៥ ខេត្តព្រះសីហនុទទួលបានភ្ញៀវទេសចរជាតិ និងអន្តរជាតិមានចំនួន៦២.៩៧៦នាក់ កើនឡើងជាងពិធីបុណ្យចូលឆ្នាំចិន វៀតណាម២០១៤ ចំនួន២៧.២២% ។ បើប្រៀបធៀបរយះពេលដូចគ្នានឹងឆ្នាំ២០១៤ភ្ញៀវទេសចរជាតិមានចំនួន ៥៦.០៦០នាក់ កើនឡើងចំនួន ២៩.៤២% និងភ្ញៀវអន្តរជាតិមានចំនួន៦.៩១៦នាក់ កើនឡើង ១១.៧៨% ។
លោកប្រធានមន្ទីរបានបញ្ជាក់ទៀតថា ភ្ញៀវទេសចរនៅតែមានហូរចូលមកខេត្តព្រះសីហនុ ជាបន្តបន្ទាប់ព្រោះនៅរដូវបុណ្យចូលឆ្នាំចិន២០១៥នេះ ចំពេលថ្ងៃចុងសប្តាហ៌ភ្ញៀវ ទេសចរនឹងមានពេលវេលាវែង ក្នុងការធ្វើដំណើជាមួយក្រុមគ្រួសារមកលេងកំសាន្តនៅតាមឆ្មេរសមុទ្រ តាមតំបន់រមណីយដ្ឋានក្នុងខេត្តព្រះសីហនុ ពិសេសម្ហូបអាហារសមុទ្រស្រស់ដែលមានរស់ជាតិឆ្ងាញ់ ។
កំណើនភ្ញៀវកើនឡើងដោយសារខេត្តព្រះសីហនុ ជាខេត្តទេសចរតភ្ជាប់ជាមួយខេត្តកំពត និងខេត្តកែប ព្រោះភ្ញៀវទេសចរមកសំរាកលេងកំសាន្តនៅខេត្តព្រះសីហនុ រួចហើយបន្តទៅទស្សនានៅបូកគោ ក្នុងខេត្តកំពត និងបន្តទៅកំសាន្តនៅខេត្តកែប ឬអ្នកទេសចរពួកគេធ្វើដំណើរចូលលេងឆ្មេរកែប បន្តទៅកំសាន្តនៅបូកគោ ក្នុងទឹកដីខេត្តកំពតរួច និងមកលេងកំសាន្តនៅខេត្តព្រះសីហនុជាខេត្តចុងក្រោយមុននឹងចាកចេញទៅកាន់លំនៅដ្ឋានរាងៗខ្លួន ។
ខេត្តព្រះសីហនុជាខេត្ត ដែលមានតំបន់ទេសចរធម្មជាតិមានឆ្មេរខ្សាច់ស្រស់ សរស្អាតពីធម្មជាតិ និងមានរមណីយដ្ឋានទឹកធ្លាក់ក្បាលឆាយ និងទឹកធ្លាក់ថ្មរោង ក្នុងស្រុក កំពង់សិលា ជាពិសេសខេត្តព្រះសីហនុសម្បូរទៅដោយប្រជុំកោះជាច្រើនដែលបានអនុវត្តជាបណ្តើៗធ្វើឪ្យភ្ញៀវទេសចរជាតិ និងអន្តរជាតិមានចំណាប់អារម្មណ៌ជិះទូកទៅលេងកំ សាន្តនៅតាមកោះ
មានដូចជាកោះតួច ក្នុងទឹកដីសង្កាត់កោះរុង និងមានភូមិជាច្រើនទៀតនៅលើដីកោះត្រូវបានកែលម្អរជារមណីយដ្ឋានទេសចរ ។ ដោយបច្ចុប្បន្នភ្ញៀវទេសចរបរទេសលេងលេងកំសាន្តនៅខេត្តព្រះសីហនុ មិនភ្លេចទៅដេកសំរាកនៅលើកោះក្នុងសង្កាត់កោះរុងនោះឡើយ ម្យ៉ាងទៀតសេវាដឹកជញ្ជូនទៅកាន់ដីកោះមានសុវត្ថិភាព និងមានភាពងាយស្រួលចំណាយពេលតែពី៤០
ទៅ ៥០នាទីប៉ុណ្ណោះ មិនដូចពីពេលមុនយើង ចង់ទៅកំសាន្តនៅលើកោះ ត្រូវចំណាយពេល២ម៉ោងកន្លះ ទៅ៣ម៉ោង ។ពិធីបុណ្យចូលឆ្នាំចិន វៀតណាម ឆ្នាំ២០១៤ ខេត្តព្រះសីហនុទទួលបានភ្ញៀវទេសចរជាតិ និងអន្តរជាតិចំនួន ៤៩.៥០០នាក់ ក្នុងនោះភ្ញៀវទេសចរណ៏ជាតិមានចំនួន ៤៣.៣១៣នាក់ និងអន្តរជាតិមានចំនួន ៦.១៨៧នាក់ ៕