ខេត្តកំពង់ចាម: មនុស្សឃាដដោយចេតនាមួយបានកើតឡើងបណ្តាលឲ ស្ត្រីម្នាក់បានស្លាប់បន្ទាប់ពីយកទៅជួយសង្គ្រោះនៅឯមន្ទីរពេទ្យបង្អែកខេត្តកំពង់ចាម ប្រហែលមួយម៉ោងក្រោយមក ដោយសារប្អូនថ្លៃប្រុសស្រវឹងហើយយកកាំបិតផ្គាក់ទៅកាប់ត្រូវក្បាលផ្នែកខាងក្រោយចំនួនមួយកាំបិត។ ហើយមូលហេតុ ត្រូវបានសម្មត្ថកិច្ចអះអាងថាដោយសារគំនុំប្អូនថ្លៃប្រុសសុំដីភូមិបងថ្លៃស្រីមិនបាន។
ហេតុការណ៍នេះកើតឡើងនៅវេលាម៉ោង១៧:៣០នាទី ថ្ងៃទី២៣ ខែកុម្ភះ ឆ្នាំ២០១៥ នៅចំណុចភូមិកោះរកាក្នុង ឃុំកោះរកាស្រុកកំពង់សៀម ខេត្តកំពង់ចាម។
លោក បា៉ក់ ជាតិ អធិការនគរបាលស្រុកកំពង់សៀមបានឲដឹងថា ជនសង្ស័យដៃដល់ក្នុងករណីខាងលើមាន ឈ្មោះពិន វ៉ារ៉ាភេទប្រុស អាយុ៤១ឆ្នាំ បានយកកាំបិទផ្គាក់កាប់ទៅលើជនរងគ្រោះ ឈ្មោះនសេក ស្រី ភេទស្រី អាយុ៤៨ឆ្នាំ ត្រូវចំក្បាលផ្នែកខាងក្រោយ បណ្តាលអោយរងរបួសជាទំងន់បានស្លាប់នៅមន្ទីរពេទ្យខេត្តកំពង់ចាមពេលបញ្ជូនទៅសង្គ្រោះមួយម៉ោងក្រោយមក។ អ្នកទាំង២មានទីលំនៅក្នុងភូមិ-ឃុំកើតហេតុខាងលើ ជនដៃដល់ត្រូវបានសម្មត្ថកិច្ចចាប់ឃាត់ខ្លួនបានបន្តិចក្រោយមក។
លោកបានបញ្ជាក់ថា មូលហេតុនាំឲមានមនុស្សឃាដនេះគឺផ្តើមចេញមកពីជនដៃដល់ស្រវឹងស្រានឹងមានគុំនុំ ជាមួយជនរងគ្រោះដោយសារសុំដីភូមិយកមកធ្វើរផ្ទះមិនបាន។លោកក៏បាមឲដឹងដែរថា ករណីនេះជនសង្ស័យនិងជាជនដៃដល់ត្រូវកសាងសំណុំរឿងបញ្ជូនខ្លួនទៅសាលាដំបូងចាត់ការតាមច្បាប់៕