ភ្នំពេញ៖ បុរសម្នាក់មិនទាន់ស្គាល់អត្តសញ្ញាណម្នាក់បានបើករថយន្តរបស់ខ្លួនទៅបុកដើមឈើ មួយដើមក្ងោងមួយដើមបណ្តាលអោយបាក់ជាពីរទៅប៉ះនិងបង្គោលភ្លើងមួយខូចខាតហើយ និង រថយន្តក្រឡាប់ផ្ញើជើងឡើងលើកាលពីវេលាម៉ោង១និង ៣០នាទីយប់រំលងអាធ្រាត្រ ចូលថ្ងៃទី២៤ ខែកុម្ភៈ ឆ្នាំ២០១៥ ស្ថិតនៅតាមបណ្តោយផ្លូវសហពន្ធ័រុស្ស៊ី សង្កាត់ផ្សារដេប៉ូ៣ ខណ្ឌទួលគោក។
សេចក្តីរាយការណ៍ពីកន្លែងកើតហេតុបានឲ្យដឹងថាមុនពេលកើតហេតុមានរថយន្តឡិចស៊ីស RX300 មួយគ្រឿងពណ៌សបើកបរដោយបុរសម្នាក់ បានធ្វើដំណើរតាមបណ្តោយផ្លូវសហពន្ធ័រុស្ស៊ី ក្នុងទិសដៅពីកើតទៅលិចលុះមកដល់ចំណុចកើតហេតុ ស្រាប់តែរេចង្កូតទៅបុកដើមឈើមួយដើម នៅតាមផ្លូវបណ្តាលឲ្យបាកដួលទៅប៉ះនិងបង្គោលភ្លើងមួយដើមទៀតដែលក្បែរនោះរងការខូចខាតហើយរថយន្តក្រឡាប់ផ្ញើជើងឡើងលើទ្រមេឃខូចខាតយ៉ាងដំណំហើយចំពោះអ្នកបើកបរវិញគ្រាន់តែរងរបួសស្រាលប៉ុណ្ណោះនេះក៏ជាសំណាងដែរគ្រោះថ្នាក់ខាងលើនេះមិនបណ្តោយអោយមនុស្ស រងរបួស។
ក្រោយកើតហេតុសមត្ថកិច្ចមូលដ្ឋានបានសហការជាមួយជំនាញចុះអន្តរាគមន៍វាស់វែងស្ទូចយក រថយន្តបង្កខាងលើទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរង់ចាំដោះស្រាយទៅតាមផ្លូវច្បាប់៕
