> បាត់ដំបង: អ្នកបើកបររថយន្តFuso ម្នាក់បានរងរបួសយ៉ាងធ្ងន់ធ្ងរខណ:ដែលកំពុងបើកបរនៅតាមបណ្តោយផ្លូវជាតិលេខ5 កាលពីវេលាម៉ោង11,35នាទី យប់ថ្ងៃទី3-3-15 លុះដល់ចំនុចភូមិកកោះឃុំកកោះ ស្រុកមោងឫស្សី ខេត្តបាត់ដំបង បានបុកទៅលើរថយន្តក្រុងរបស់ក្រុមហ៊ុនរិទ្ធិមុនីដែលឈប់សំចតភ្លាមៗដោយមិនបានផ្តល់ជាសញ្ញាអោយដឹងមុន។
> យោងតាមប្រភពរបស់សមត្ថកិច្ចស្រុកមោងឫស្សីបានអោយដឹងថា នៅមុនពេលកើតហេតុ
> គឺមានរថយន្តមួយគ្រឿងម៉ាកហុីយ៉ាន់ដាយ ដែលជាប្រភេទរថយន្តធុនទេសចរណ៍របស់ក្រុមហ៊ុន
> រិទ្ធិមុនី ដោយមានពាក់ស្លាកលេខភ្នំពេញ3B 5416 បានធ្វើដំណើរក្នុងទិសដៅពីបាត់ដំបងទៅភ្នំពេញ។សមត្ថកិច្ចបានបន្តថា លុះទៅដល់ចំនុចកើតហេតុ គឺមានអ្នកដំណើរម្នាក់បានកាក់រថយន្តក្រុងនេះដើម្បីជិះ ប៉ុន្តែអ្នកដំណើនោះមានទាំងផ្លែខ្វិតយ៉ាងច្រើនផង ធ្វើអោយរថយន្តក្រុងនេះបានឈប់ភ្លាមៗដោយមិនបានផ្តល់សញ្ញាអ្វីឡើយ គាប់ជួននៅពេលនោះដែរក៏មានរថយន្តFuso មួយគ្រឿងដែល
> កំពុងធ្វើដំណើតាមពីក្រោយ គឺមិនអាចជាន់ហ្វ្រាំងទាន់ឡើយក៏បានបុកយ៉ាងពេញចំពីក្រោយតែម្តង បណ្តាលអោយក្បាលរថយន្តFusoរួញយ៉ាងខ្លាំងនិងកៀបដល់អ្នកបើកបរថែមទៀត ដែលបង្កអោយរងរបួសជាទម្ងន់ផងដែរ ដែលរថយន្តនេះពាក់ស្លាកលេខស្វាយរៀង3A 0706 និងបើកបរដោយឈ្មោះរិទ្ធ ភេទប្រុស អាយុ25ឆ្នាំ រស់នៅខេត្តកំពង់ចាម ។
> នៅពេលសមត្ថកិច្ចចុះទៅដល់ដើម្បីត្រួតពិនិត្យទីកន្លែងកើតហេតុគឺអ្នកបើកបររថយន្តក្រុមហ៊ុនរិទ្ធិមុនី បានដាក់មេផាយបាត់ស្រមោលបាត់ទៅហើយ ដោយបន្សល់នៅតែរថយន្ត និងអ្នកធ្វើដំណើរនៅត្រៀបត្រា ចំណែកជនរងគ្រោះក៏ត្រូវបានបញ្ជូនទៅកាន់មន្ទីរពេទ្យដើម្បីសង្គ្រោះ រីឯរថយន្តទាំងពីគ្រឿងត្រូវបានសមត្ថកិច្ចស្ទូចយកមកកាន់អធិការដ្ឋានដើម្បីបញ្ជូនបន្តទៅការិយាល័យចរាចរផ្លូវគោក> ខេត្ត ចាត់ការទៅតាមផ្លូវច្បាប់៕
