ភ្នំពេញ៖ នារីម្នាក់បើករថយន្ដម៉ាកកាំម៉ារីមួយគ្រឿងលឿនពេកហើយប្រជ្រៀតវ៉ារថយន្ដហ៊ាយឡែនឌ័រ មួយគ្រឿងទៀត ពីខាងស្ដាំ ក៏ជ្រុលទៅបុករ៉ឺកម៉កកង់៣មួយគ្រឿងហើយរ៉ឺកម៉កក៏ខ្ទាត់ទៅប៉ះម៉ូតូ២គ្រឿង ទៀតដែលកំពុងចត់នៅជញ្ចើម ផ្លូវ បណ្ដាលឲ្យម៉ូតូទាំង២គ្រឿងនិងរ៉ឺកម៉កកង់៣ ដួលគោរលើគ្នា រងការខូចខាចយ៉ាងដំណំ ចំណែករថយន្ដភ្លាមនោះ ក៏បើករត់គិចខ្លួនតែត្រូវប្រជាពលរដ្ឋ និងសមត្ថកិច្ច តាមឃាត់រថយន្ដបាន យកមកធ្វើការដោះស្រាយ។
ហេតុការណ៏ នេះកើតឡើងកាលពីវេលាម៉ោង ១០និង១០នាទីយប់ ថ្ងៃទី ៣ខែមិនា ឆ្នាំ ២០១៥ នៅតាមបណ្ដោយផ្លូវព្រះស៊ីសុវត្ថិ ត្រង់ចំណុចមុខ ហាងលក់ស៊ុប យីហោ កុលាបដូនពេញ ស្ថិតក្នុងសង្កាត់ស្រះចក ខណ្ឌដូនពេញ។
តាមប្រភពព៏ត៌មានពីកន្លែងកើតហេតុបានឲ្យដឹងថាមុខពេលកើតហេតុគេឃើញ នារីម្នាក់បើករថយន្ដកាំម៉ារីមួយគ្រឿង ពណ៏ទឹកមាស ពាកស្លាកលេខ ភ្នំពេញ ធ្វើដំណើរតាមបណ្ដោយផ្លូវព្រះស៊ីសុវត្ថិ ទិសដៅពីជើងទៅត្បូង ក្នុងល្បឿន យ៉ាងលឿន ខណៈមកដល់ចំណុចកើតហេតុល្បឿនរថយន្ដលឿនពេកហើយប្រជ្រៀតវ៉ារថយន្ដហ៊ាយឡែនឌ័រ មួយគ្រឿងទៀត ពីខាងស្ដាំ ក៏ជ្រុលទៅបុករ៉ឺកម៉កកង់៣មួយគ្រឿង ពណ៏ក្រហម ពាក់ស្លាកលេខ
បាត់ដំបង 1B-0951 ហើយរ៉ឺកម៉កក៏ខ្ទាត់ទៅប៉ះម៉ូតូម៉ាកវីវ៉ាគ្រឿង ពណ៏ខ្មៅ ពាក់ស្លាកលេខ ភ្នំពេញ 1I-9270 និងម៉ូតូម៉ាកសង់ក៉ូរ៉េមួយគ្រឿង ទៀត ពណ៏ក្រហម ពាក់ស្លាកលេខ កណ្ដាល 1K-4435 ដែលកំពុងចត់នៅជញ្ចើមផ្លូវមុខហាងលក់ស៊ុប យីហោ កុលាបដូនពេញ នៅកន្លែងកើតហេតុ បណ្ដាលឲ្យម៉ូតូទាំង២គ្រឿងនិងរ៉ឺកម៉កកង់៣ ដួលគោរលើគ្នារងការខូចខាច
យ៉ាងដំណំ ចំណែកម្ចាស់ម៉ូតូទាំង២និង ម្ចាស់រ៉ឺកម៉កកង់៣ ដែលកំពុងអង្គុយញាំស៊ុយនៅជិតកន្លែងកើតហេតុធ្វើមិនដឹង ហើយរថយន្ដភ្លាមនោះក៏បើករត់គិចខ្លួនមិនចង់ទទួលខុសត្រូវ តែត្រូវ សន្ដិសុខប្រចាំហាង រួមនិងប្រពលរដ្ឋ សហការណ៏ ជាមួយសមត្ថកិច្ចដែលកំពុងល្បាត តាមឃាត់រថយន្ដបាននៅត្រង់ជិតទីលាន់ប្រជាធិបត តាមបណ្ដោយ ផ្លូវលេខ ២១ ស្ថិតក្នុងសង្កាត់ វត្តភ្នំ យកមកធ្វើការដោះស្រាយ ។
ក្រោយពេលកើតហេតុសមត្ថកិច្ចចុះមកដល់ចំណុចកើតហេតុ ធ្វើការសម្រប់សម្រួលដល់ភាគីទាំងសង់ខាង ដោយម្ចាស់រថយន្ដទូរស័ព្ទហៅក្រុមគ្រួសារមកជួយធ្វើការដោះស្រាយ នៅកន្លែងកើតហេតុ ដោយភាគីរថយន្ដ កាំម៉ារីមិនចង់មានរឿងវែងឆ្ងាយក៏ធ្វើការសូមទោសហើយ សង់ថ្លៃជួសជុលម៉ូតូរ៉ឺកម៉កកង់៣ និងម៉ូតូទាំង២គ្រឿង ចំនួន២៦០ដុល្លា រួចបញ្ចប់រឿងនៅកន្លែងកើតហេតុ៕
