ខេត្តប៉ៃលិន ៖ កុមារាតូចម្នាក់រងរបួសរលាកគូទធ្ងន់ធ្ងរត្រូវឪពុកម្តាយដឹកតាមម៉ូតូយក ទៅសង្គ្រោះនៅមន្ទីរពេទ្យបង្អែកខេត្តប៉ៃលិន ដោយសារម្តាយជាប់រវល់ដាំបាយទុកចោល លុះកូនតូចរបស់ខ្លួនប្រឡែងគ្នាលេងជាមួយក្មេងដទៃទៀត បណ្តាលឱ្យដួលទៅលើឆ្នាំងបាយ បណ្តាលឱ្យរលាករបួសធ្ងន់តែម្តង ។
ហេតុការណ៍កុមារាប្រឡែងគ្នាលេងរលាករបួសធ្ងន់នេះ បានកើតឡើងកាលពីវេលាម៉ោ៥និង៥០នាទី ថ្ងៃទី៥ ខែមីនា ឆ្នាំ២០១៥ ស្ថិតនៅក្នុងផ្ទះបាយរបស់ខ្លួន ក្នុងភូមិប៉ាហ៊ីត្បូ ង សង្កាត់ប៉ៃលិន ក្រុងប៉ៃលិន ។
កុមារារងគ្រោះ ឈ្មោះ អ៊ុំ បញ្ហា អាយុ៣ខួប(ឆ្នាំ) មានឪពុក ឈ្មោះ ប៊ុន ធឿន អា យុ២៦ឆ្នាំ ម្តាយ ឈ្មោះ ផារី អាយុ២២ឆ្នាំ រស់នៅកើតហេតុខាងលើ ។
ប្រភពព័ត៌មានពីម្តាយកុមារារងគ្រោះ បានរៀបរាប់ឱ្យដឹងថា មុនពេលកើតហេតុគាត់ បានបាយពេលល្ងាច លុះពេលបាយពុះគាត់បានជាត់បាយហើយក៏បន្ថយភ្លើង រួចក៏រវល់ដើរ ចេញមកក្រៅផ្ទះ មិនបានដឹងថា កូនរបស់ខ្លួន បាននាំក្មេងផ្សេងទៀតទៅលេងក្នុងផ្ទះ រួចក៏ ប្រឡែងគ្នា បណ្តាលឱ្យអុកគូទទៅលើឆ្នាំងបាយរលាកកំប៉េះគូទរងរបួសធ្ងន់ធ្ងរតែម្តង ។ ភ្លា មនោះគាត់ក៏បានបញ្ជូនកូនរបស់ខ្លួនមកកាន់មន្ទីរពេទ្យបង្អែកខេត្តប៉ៃលិន ដើម្បីធ្វើការសង្គ្រោះទាន់ពេល ។
គ្រូពេទ្យបានបញ្ជាក់ថា នេះជាសំណាងល្អដែរ ដែលមិនបណ្តាលឱ្យរលាកដល់ពងស្វាសនោះឡើយ បើរលាកវិញនឹងបណ្តាលឱ្យស្ទះទឹកនោមពិបាកក្នុងការព្យាបាល ។ លោកគ្រូពេទ្យបានបញ្ជាក់ទៀតថា ការលាករលេះរលួយស្បែកនេះ ត្រូវការសម្រាកព្យាបាល រយៈពេលយូរបន្តិចទើបជាសះស្បើយដូចដើមវិញ តែកុមារារងគ្រោះអាចបន្សលស្លាកស្នាម ជារៀងរហូតផងដែរ ៕
ដោយ ៖ ឡោ សុខហៃ
