ស្ទឹងត្រែង៖ស្ត្រីម្នាក់ដែលជាអជីវករលក់ដូរក្នុងផ្សារខេត្តស្ទឹងត្រែង ត្រូវបានឃាតករបាញ់សម្លាប់យ៉ាងសារហាវ បណ្តាលអោយស្លាប់ភ្លាមៗនៅនិងកន្លែង ហើយត្រូវបានគេសង្ស័យថា ប្តីជាអ្នកបាញ់សម្លាប់ ដោយសារកន្លងមកបានលែងលះគ្នា ហើយសុំត្រូវគ្នាវិញ ស្ត្រីជាប្រពន្ធមិនព្រម។
ករណីបាញ់សម្លាប់ខាងលើនេះ បានកើតឡើងកាលពីវេលាម៉ោង២រសៀលថ្ងៃទី០៧ខែមិនាឆ្នាំ២០១៥ ក្នុងផ្សារខេត្តស្ទឹងត្រែង ស្ថិតក្នុងភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង។
ឪពុកស្ត្រីរងគ្រោះបានអោយដឹងថាកូនគាត់ដែលត្រូវបានឃាតករបាញ់សម្លាប់មានឈ្មោះរស្មី
ស្រីខួចភេទស្រី អាយុ២២ឆ្នាំ មានមុខរបរលក់សំម្លៀកបំពាក់ក្នុងផ្សារខេត្តស្ទឹងត្រែង និងមានទីលំនៅក្នុងភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង។
សាក្សីនៅកន្លែងកើតហេតុបានអោយដឹងថាក្រោយមានការផ្ទុះអាវុធចំនួន៥គ្រាប់ គេបានឃើញបុរសម្នាក់រត់ចេញពីកន្លែងកើតហេតុ មានពាក់អាវពណិ៍ផ្កាឈូក មិនស្គាល់អត្តសញ្ញាដោយសារឃាតករបានបិទម៉ាសរត់ចេញពីផ្សារឡើងម៉ូតូគេចខ្លួនបាត់ស្រមោលដោយសុវត្តិភាព។
ក្នុងហេតុការបាញ់សម្លាប់នេះត្រូវបានឪពុកស្ត្រីរងគ្រោះបានអះអាថាប្តីជាអ្នកបាញ់សម្លាប់ ព្រោះកន្លងមក ប្តីប្រពន្ធរបស់គេបានធ្លាប់លែងលះគ្នាអស់រយៈពេលមួយឆ្នាំហើយ ហើយនិងធ្លាប់បានរាមបោកគ្រាប់បែកនិងសម្លាប់ចោលទៀតផង។តែនៅកន្លះខែមុនកូនប្រសារគាត់បានអោយឪពុកម្តាយចូលមកសុំស្រុះស្រួលគ្នាវិញ តែកូនស្រីគាត់មិនព្រម ហើយនៅមុនកើតហេតុប្រមាណ១០នាទីថ្ងៃខាងលើ ប្តីរបស់គេបានទូរស័ព្ទទៅប្រពន្ធរបស់គាត់សួរថាប្រពន្ធកូនគេនៅណា ក្រោយសួរដឹងហើយ ក៏មានហេតុការបាញ់សម្លាប់ស្ត្រីរងគ្រោះ ខណៈដែលកំពុងដេកលើអង្រឹងក្នុងតូបលក់សម្លៀកបំពាក់។
សមត្ថកិច្ចបានអោយដឹងថាកាំងភ្លើងដែលបាញ់សម្លាប់ស្ត្រីរងគ្រោះត្រូវបានសមត្ថកិច្ចនាញថាជាប្រភេទឡុក បាញ់ចំនួន៥គ្រាប់ចំគល់ដោះខាងឆ្វេងបណ្តាលអោយស្លាប់ភ្លាមៗតែម្តង។ករណីនេះទោះជាមានការអះអាងពីឪពុកជនរងគ្រោះថាប្តីជាអ្នកបាញ់សម្លាប់ក៏ដោយ ក៏
សមត្ថកិច្ចមិនទាន់បានសដ្ឋាននៅឡើយ កំពុងស្រាវជ្រាវយ៉ាងក្តៅគគុក ដើម្បីចាប់ខ្លួនឃាតករយកមកផ្តន់ទាទោសតាមផ្លូវច្បាប់ផងដែរ។សាកសពក្រោយបានធ្វើកុសល្យវិច្ច័យត្រូវបានប្រគល់អោយក្រុមគ្រួសយកទៅធ្វើបុណតាមប្រពៃណី៕
