ខេត្តត្បូងឃ្មុំ: ករណីភ្ញាក់ផ្អើលដល់អស់ប្រជាពលរដ្ឋមួយបានកើតឡើង ដោយសារបុរសជាប្តីម្នាក់បានញៀណថ្នាំដល់កំរិតហើយបានចាប់បង្ខាំងប្រពន្ធខ្លួនទុកក្នុងផ្ទះធ្វើទារុណកម្ម វាយនិងប្រនង់ កាប់និងពូថៅ គំរាមសំលាប់ និងបានរងរបួសយ៉ាងធ្ងន់ធ្ងរ បើមាននណាចូលទៅជួយ។ ប៉ុន្តែករណីនេះត្រូវបាន សម្មត្ថកិច្ចចំរុះ មាន អ ហ ស្រុកមេមត់ អ ហ ស្នាក់ការ៧០២ អ ហ ស្នាក់ការ៧០៣ សហការជាមួយ កំលាំងនគរបាលស្រុកមេមត់ បើកប្រតិបត្តការ ជួយរំដោះស្ត្រីរងគ្រោះបានដោយជោគជ័យនិងឈានទៅចាប់ជនដៃដល់ជាប្តីបានផងដែរ បន្ទាប់ពីឡោមពទ្ធ័អស់រយះពេល១២ម៉ោងរួចមក។
ហេតុការណ៍នេះកើតឡើងកាលពីវេលាម៉ោង៧,០០នាទីព្រឹក រហូតដល់ម៉ោង៧,០០នាទីល្ងាច ថ្ងៃទី០៧ ខែមិនា ឆ្នាំ២០១៥ នៅចំណុចក្នុងផ្ទះប្តីប្រពន្ធខាងលើស្ថិតក្នុងភូមិដាកណ្តាល ឃុំដា ស្រុកមេមត់ ខេត្តត្បូងឃ្មុំ។
លោកវរសេនីយ៍ត្រី ព្រហ្ម វុទ្ធី មេបញ្ជាការ អ ហ ស្រុកមេមត់ដែលសហការដឹកនាំកំលាំងក្នុងប្រតិបត្តការនេះបានឲ នគរវត្តដឹងថា ក្រោយពីទទួលបានការណែនាំបញ្ជារពីរលោក ឧត្តមសេនីយន៍ត្រី វ៉ា សារិទ្ធ មេបញ្ជារការ អ ហ ខេត្តត្បូងឃ្មុំ ដែលបានអញ្ជើញចុះទៅដល់កន្លែងកើតហេតុផ្ទាល់ និងបន្ទាប់ពីមានករណីនេះកើតឡើងភ្លាមៗផងនោះ កំលាំងយើងបានសហការគ្នាជាមួយ កំលាំងនគរបាលស្រុក ឈានទៅរំដោះស្ត្រីជាប្រពន្ធនៅម៉ោង៧ល្ងាចថ្ងៃដដែល ដែលមានឈ្មោះ ឡេង ដានី ហៅ ឌី អាយុ៣១ឆ្នាំ បានរងរបួសលើ ក្បាលនិងរាកាយយ៉ាងធ្ងន់ធ្ងរ ដោយសារបុរសជាប្តីញៀណថ្នាំ ឈ្មោះ ក្រី ភណ្ឌ័ អាយុ៣៣ឆ្នាំ ធ្វើរទារុណកម្ម បង្ខាំងទុកក្នុងផ្ទះ យកប្រនង់វាយនិងពូថៅកាប់ទៅលើរហើយមិនឲនណាចូលទៅជួយនោះឡើយ។ លោកបន្តថា ប៉ុន្តែករណីនេះចុងក្រោយម៉ោងប្រហែល៤,៤០នាទីកំលាំងចំរុះបានទំលាយទ្វារចូលទៅរំដោះជនរងគ្រោះបានជោគជ័យ តែជនសង្ស័យជាប្តីបានគេចទៅខាងលើដោយមានកាន់ពូថៅជាប់និងដៃ។
លោកបានបន្តឲដឹងទៀតថា រហូតដល់ម៉ោង៧,០០ល្ងាចថ្ងៃដដែល ជនសង្ស័យបានព្យាយាមទំលាយជញ្ជាំងលោតចុះពីលើផ្ទះរត់គេចខ្លួនកាត់វាលស្រែ ទីបំផុតត្រូវកំលាំងចំរុះពទ្ធ័ចាប់ខ្លួនបាននិងបញ្ជូនតារថយន្ត អ ហ មកកាន់អធិការស្រុកដើម្បីចាត់ការតាមនិតិវិធី៕