ខេត្តប៉ៃលិន៖ មនុស្សក្មេងចាស់ប្រុសស្រី១៦នាក់ បានរងរបួសធ្ងន់-ស្រាល ខណៈពេលជិៈលើរថយន្តកែច្នៃដឹកមើមដំឡូងមី បានបើកវ៉ារថយន្តដឹកខ្សាច់ធន់ធំ ព្រមទាំងគេចរថយន្តនីសាន់មួយគ្រឿងទៀត ដែលមកពីមុខ រួចក៏រ៉េចង្កូត ចូលប្រឡាយអត់ទឹក បណ្តាលឲ្យក្រឡាប់រងគ្រោះថ្នាក់តែម្តង។ ហេតុការណ៏គ្រោះថ្នាក់ចរាចរនេះ បានកើតឡើងកាលពីវេលាម៉ោង០១និង១០នាទីរសៀល ថ្ងៃទី១១ ខែមិនា ឆ្នាំ២០១៥ លើកំណាត់ផ្លួវជាតិលេខ៥៧ ជិតផ្លួវចូលទីលានចាក់សំរាម ក្នុងភូមិដីក្រហម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។
ប្រភពពីជនរងគ្រោះក្នុងហេតុការណ៏ បានឲ្យដឹងថា៖ មុនពេលកើតហេតុ ពួកគាត់បានជិៈលើរថយន្តកែច្នៃចេញពីក្នុងចំការនៅភូមិក្រចាប់ មកលើផ្លួវជាតិលេខ៥៧ ដោយមានអ្នកបើកបរ និងអ្នកជិៈពីលើរថយន្តចំនួន១៦នាក់ លុះមកដល់ចំណុចកើតហេតុ រថយន្តកែច្នៃដែលពួកគាត់ជិៈ បានវ៉ារថយន្តធន់ធំដឹកខ្សាច់ រួចក៏គេចរថយន្តនីសាន់ដែលមកពីមុខ ហើយរ៉េចង្កូតចូលប្រឡាយអត់ទឹក ក្រឡាប់២ត្រលប់ ដោយធ្វើឲ្យពួកគាត់ខ្ទាត់ចេញពីរថយន្តកែច្នៃ ចូលក្នុងព្រៃត្រែង រងរបួសធ្ងន់ស្រាលទាំងអស់គ្នា ។
ប្រភពពីសាក្សីនៅជិតកន្លែងកើតហេតុ បានឲ្យដឹងថា៖ នៅមុនពេលកើតហេតុ គេបានឃើញរថយន្តកែច្នៃមួយគ្រឿងពណ៌ខៀវឆ្នូត អត់ស្លាកលេខ ដឹកមើមដំឡូងមីពេញ ក្នុងទឹសដៅពីកើតទៅលិច ដោយផ្ទុកមនុស្សក្មេងចាស់ប្រុសស្រីចំនួន១៦នាក់ បន្ទាប់មកទៀតក៏បើកជិតដល់ផ្លួវចុះចំណោត បានវ៉ារថយន្តដឹកខ្សាច់ធន់ធំ រួចក៏គេចពីរថយន្តនីសាន់មួយគ្រឿងទៀតដែលនៅពីមុន ហើយក៏រ៉េចង្កូតចូលប្រឡាយអត់ទឹកនៅខាងធ្វេង រួចក៏ក្រឡាប់ បណ្តាលឲ្យជះមនុស្ស និងមើមដំឡូងមី ទៅក្នុងព្រៃត្រែង ។
ប្រភពបន្តទៀតថា៖ ក្នុងពេលនោះក៏មានមនុស្សប្រុសស្រីក្មេងចាស ស្រែកយំ ព្រមទាំងឲ្យអ្នកភូមិជួយ ,មួយសន្ទុះក្រោយមកក៏មានរថយន្តសង្គ្រោះរបស់ការិយាល័យតំណាងរាស្ត្រ និងរថយន្តសង្គ្រោះរបស់មន្ទីរពេទ្យបង្អែកខេត្តប៉ៃលិន មកដឹកជនរងគ្រោះទាំងនោះ មកកាន់មន្ទីរពេទ្យបង្អែកខេត្តប៉ៃលិនតែម្តង ក្រោយពីកើតហេតុគេឃើញមានសមត្ថកិច្ចចរាចរផ្លួវគោកខេត្ត ចុះមកត្រួតពិនិត្យ ធ្វើការវាស់វែង។
ប្រភពពីសមត្ថកិច្ចចរាចរផ្លួវគោកខេត្ត បានឲ្យដឹងថា៖ ជនរងគ្រោះដែលជួបគ្រោះថ្នាក់ចរាចរ រួមមាន៖ ទី១ឈ្មោះ វ៉ាន់ ថា ភេទប្រុស អាយុ៣៤ឆ្នាំ ជាកម្មករ របួសធ្ងន់ ,ទី២ឈ្មោះ សាន់ សៅ ភេទប្រុស អាយុ២៤ឆ្នាំ ជាកម្មករ របួសស្រាល ,ទី៣ឈ្មោះ ជួន រដ្ឋ ភេទប្រុស អាយុ២៤ឆ្នាំ ជាកម្មករ របួសស្រាល ,ទី៤ឈ្មោះ ផង ថុន ភេទប្រុស អាយុ៥០ឆ្នាំ របួសធ្ងន់ ,ទី៥ឈ្មោះជួន ឡូន ភេទប្រុស អាយុ៤៤ឆ្នាំ របួសធ្ងន់ ,ទី៦ឈ្មោះ វ៉ា ធារិន ភេទស្រី អាយុ១៥ឆ្នាំ របួសធ្ងន់ (សន្លប់),ទី៧ឈ្មោះ សុខ រស់ ភេទស្រី អាយុ៣៤ឆ្នាំ របួសបាក់ដៃស្តាំ ,ទី៨ឈ្មោះ ជួន វុធ ភេទស្រី២៩ឆ្នាំ របួសធ្ងន់សន្លប់ ,ទី៩ ឈ្មោះចំរើន ភេទស្រី អាយុ១៥ឆ្នាំ របួសធ្ងន់ ,ទី១០ឈ្មោះសិត ឌី ភេទស្រី អាយុ១៥ឆ្នាំ របួសធ្ងន់ ,ទី១១ឈ្មោះ សូ ហៀង ភេទប្រុស អាយុ១៨ឆ្នាំ របួសធ្ងន់ ,ទី១២ឈ្មោះ ហ៊ួត ហ៊ួ ភេទប្រុស អាយុ៤៤ឆ្នាំ របួសធ្ងន់ត្រួវរថយន្តកិនជើង ,ទី១៣ឈ្មោះជួន វុន ភេទស្រី អាយុ៣៦ឆ្នាំ របួសធ្ងន់សន្លប់ ,ទី១៤ឈ្មោះ សៅ ជីតា ភេទស្រី អាយុ៣ឆ្នាំ របួសធ្ងន់សន្លប់ ,ទី១៥ឈ្មោះ ថា ជីម ភេទស្រី អាយុ៤ឆ្នាំ របួសស្រាល និងឈ្មោះ សូត សន ភេទប្រុស អាយុ២៥ឆ្នាំ ជាអ្នកស៊ីឈ្នូលបើកបររថយន្តកែច្នៃ រងរបួសសន្លប់ធ្ងន់ធ្ងរ ,ហើយទាំងអស់គ្នាមានស្រុកកំណើតនៅខេត្តកំពង់ឆ្នាំង ។បច្ចុប្បន្នមកស្នាក់នៅជាមួយម្ចាស់រថយន្តឈ្មោះ ឡា ស្ថិតក្នុងភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន ។ ជនរងគ្រោះកំពង់សំរាកព្យាបាលនៅមន្ទីរពេទ្យបង្អែកខេត្តប៉ៃលិន និងមួយចំនួនទៀតត្រួវ បានដឹកទៅសង្គ្រោះនៅមន្ទីរពេទ្យបង្អែកខេត្តបាត់ដំបង ។ ចំណែករថយន្តត្រួវបាន យកមករក្សាទុកនៅការិយាល័យចរាចរខេត្ត រងចាំការដោះស្រាយតាមផ្លួវច្បាប់ ៕អត្ថបទ សេង សុវណ្ណារិទ្ធ