ខេត្តប៉ៃលិន៖ បុរសទំនើង២នាក់ បានរងរបួសធ្ងន់សន្លប់ ខណៈពេលជិៈម៉ូតូចេញពីហាងផឹកស៊ី បើកបរក្នុងល្បឿនលឿនមិនប្រយ័ត្ន បណ្តាលឲ្យម៉ូតូកៀរទៅនិងរង្វង់មូលវិមានេករាជ្យ បណ្តាលឲ្យបោកក្បាលទៅនិងខឿនរង្វង់មូលវិមានឯករាជ្យ តែម្តង ។ ហេតុការណ៏គ្រោះថ្នាក់
ចរាចរណ៏នេះ បានកើតឡើងកាលពីវេលាម៉ោង៣និង៣០នាទី រលង់អាធាត្រ ឈានថ្ងៃទី១២ ខែមិនា ឆ្នាំ២០១៥ លើចំណុចររង្វង់មូលវិមានឯករាជ្យ ស្ថិតក្នុងភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
បុរសទំនើងដែលរងគ្រោះទី១ ឈ្មោះ វឿន វាសនា អាយុ២៥ឆ្នាំ ជាកម្មករ រស់នៅភូមិតាគ្រក់ ឃុំត្រែង ស្រុករតនៈមណ្ទល ខេត្តបាត់ដំបង ជាអ្នកបើកបរម៉ូតូ រងរបួសបាត់ជើងធ្វេង និងសន្លប់ ជិៈម៉ូតូម៉ាកHONDA –C125 ពណ៌ក្រហម ពាក់ស្លាកលេខ បាត់ដំបង 1A-2589 ចំណែកម៉ូតូរងការខូចខាតមធ្យម ។ អ្នករួមដំណើរម្នាក់ទៀតឈ្មោះ សន សំអន ភេទប្រុស អាយុ២៥ឆ្នាំ ជាកម្មករដូចគ្នា រងរបួសបែកក្បាលសន្លប់ រយះដៃជើង រស់នៅភូមិ ឃុំជាមួយគ្នា ។
ប្រភពពត៌មានពីកន្លែងកើតហេតុ បានឲ្យដឹងថា៖ មុនពេលកើតហេតុគេឃើញម៉ូតូមួយគ្រឿង ជិៈគ្នា២នាក់ បើកក្នុងទឹសដៅពីជើងទៅត្បូង ក្នុងល្បឿនលឿន រ៉េចង្កូតពេញផ្លួវ ទំនងជាស្រវឹងចេញពីហាងផឹកស៊ីណាមួយ លុះមកដល់ចំណុចកើតហេតុកៀនរង្វង់មូលវិមានឯករាជ្យ ចំហៀងខាងលិច ក៏បើកជ្រេរចុះឡើងៗ រួចក៏បានដួលបោកក្បាលទៅនិងខឿនវិមានឯករាជ្យ ។ ប្រភពបន្តទៀតថា៖ យុវជនទាំង២នាក់ មានធុំក្លិនស្រា ព្រមទាំងខ្លួនស្ទើរតែទន់ទាំងអស់ ហើយពួកគាត់បានមកមើល។ ក្រោយពីកើតហេតុរួច ក៏ឃើញសមត្ថកិច្ចក្រុមល្បាត់នៃស្នងការដ្ឋាននគរបាលខេត្ត ចុះមកដល់ ក៏ជួយលើកជនរងគ្រោះដាក់លើរង្វង់មូល ស្របពេលនោះបុរសម្នាក់ក្នុងចំណោម២នាក់ បានរួសស្នាប់ដៃចេញពីចង្កោះ ព្រមទាំងមានដុំថ្មជ្រុងៗជាច្រើនដុំពីកន្ត្រក់ម៉ូតូ។
បន្ទាប់មក ជនរងគ្រោះទាំងពីរនាក់ ត្រួវបានសមត្ថកិច្ចដឹកបញ្ជូនទៅសង្គ្រោះនៅមន្ទីរពេទ្យបង្អែកខេត្តប៉ៃលិន តែដោយសារជំងឺរងគ្រោះទាំង២ធ្ងន់ធ្ងរក៏ដឹកបញ្ជូនបន្តទៅសង្គ្រោះនៅមន្ទីរពេទ្យបង្អែកខេត្តបាត់ដំបងតែម្តង ៕ អត្ថបទ សេង សុវណ្ណារិទ្ធ
