កំពង់ធំ=កាលពីរម៉ោង ១១ព្រឹក ថ្ងៃទី២០ ខែមិនា ឆ្នាំ ២០១៥ មានហេតុការណ៍ដ៏ភ្ញាក់ផ្អើលមួយបានកើតឡើងដោយសារស្ដ្រីឈ្មោះ គន់ ឡៃហ៊ី អាយុ១៩ឆ្នាំ រស់នៅភូមិ វាលវែង ឃុំឈូក ស្រុកប្រាសាទសំបូរ ខេត្តកំពង់ធំ បានឈឺពោះគ្រប់ខែបំរុងនិងសំរាលកូន ក៏ធ្វើដំណើរ ចេញពីរ
ផ្ទះមកកាន់មន្ទីរពេទ្យបង្អែកខេត្តកំពង់ធំ មកដល់ពាក់កណ្ដាលផ្លូវមិនទាន់ដល់មន្ទីរពេទ្យ ក៏បានឈឺពោះ សំរាលកូនលើរថយន្ដ ត្រង់ចំនុចភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ។
តាមការរៀបរាបពីរស្ដ្រីដែលសំរាលកូន បានប្រាប់ថាខ្លួនបានលែងលះជាមួយប្ដី ១ឆ្នាំមកហើយ សព្វថ្ងៃមានមុខរបរស៊ីឈ្នួលដក់ដំលូងអោយគេ ចំណែកឯប្ដីក្រោយពីលែងលះដាច់ស្រេច ក៏ទៅធ្វើការ នៅប្រទេសថៃ បាត់ទៅ ហើយពេលនេះក្រោយពីសំរាលកូនរួចដោយគិតថាខ្លួនពុំមានទីពឹង គ្មានសាច់ញាតិ គ្មានសមត្ថភាពចិញ្ចឹមកូនហើយទីលំនៅមិនប្រាកដក៏សំរេចចិត្តប្រគល់កូនអោយអ្នកដែលមានជីវភាពធូរធារជួយចិញ្ចឹម។
អ្នកដែលទទួលកូនប្រុស យកទៅចិញ្ចឹមនោះមានឈ្មោះ ចេងសុខនី ភេទស្រី អាយុ៣៣ឆ្នាំនិងប្ដីឈ្មោះ អៀន វណ្ណា អាយុ ៣៦ អ្នកទាំង២រស់នៅក្នុងភូមិ ថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ក្នុងនោះក៏បានធ្វើកិច្ចសន្យាលាល័ក្ខអក្សរ និងផ្ដិតមេដៃ មានភាគីទាំងសងខាង មានសាក្សី ព្រមទាំងមាននគរបាលប៉ុស្ដិ ត្រពាំងឬស្សី និងមេឃុំត្រពាំងឬស្សីចូលរួមផងដែរ តែចំឡែកថាភាគីខាងម្ដាយដែលសំរាលកូននោះពុំមានញាច់ញាតិធ្វើសាកក្សីនោះទេ។
បើតាមប្រភពព័តមានពីរ លោក ហ៊ោ គឹម ហ៊ូ នគរបាលប៉ុស្ដិ ត្រពាំងឬស្សី បានអោយដឹងថា ស្ដ្រីជាម្ដាយរបស់ទារក ម្នាក់នេះ គ្មានទីពឹងទេ គ្មានសាច់ញាតិ បងប្អូន ដើរស៊ីឈ្នួលដកដំលូង និងរស់នៅជាមួយអ្នកជិតខាង អាស្រ័យបាយទឹក មួយពេលៗតែប៉ុណ្ណោះចំណែកឪពុកម្ដាយបានស្លាប់ចោលអស់រស់នៅតែម្នាក់ឯង រហូតមកដល់ថ្ងៃនេះបានធ្វើដំណើរមកពិនិត្យពោះ ដោយពុំបានដឹងថាខ្លួនគ្រប់ខែសំរាលកូននោះទេស្រាប់តែមកដល់ពាក់កណ្ដាលផ្លូវបានឈឺពោះសំរាលកូនតែម្ដង សុំបញ្ចាក់ដែរថាស្ដ្រីរូបនេះពុំមានលុយសំរាប់សំរាលកូននោះទេគឺប្រជាពលរដ្នបានប្រមែប្រមូលគ្នាតិចតួចដើម្បីជួយ ឯលោក ជា សារ៉ាន ជាមន្ដ្រីបច្ចេកទេសការិយាល័យ សុខាភិបាល បានឃើញហើយក៏អាណិតអាសូរ បានជួយសំរាលកូននិងជួយជាថ្នាំសំរាប់ចាក់អោយស្ដ្រីរូបនេះដោយឥត គិតថ្លៃ៕
ប៊ុនរិទ្ធី
