កំពង់ឆ្នាំង៖បុរសម្នាក់ជិៈម៉ូតូទៅបុកជាមួយរថយន្តកាមរីឆ្លាមក្នុងដំណើរខ្វែងទិស កាលពីវេលា ម៉ោង១០និង៣០នាទីព្រឹកថ្ងៃទី២៣ ខែមិនា ឆ្នាំ២០១៥ នៅចំណុចផ្លូវបែកជា៤ មុខស្ថានីយប្រេងឥន្ទនៈ តេលាផ្សារលើ ស្ថិតក្នុងភូមិទី១ សង្កាត់ខ្សាម ក្រុងកំពង់ឆ្នាំង រងរបួសបែកក្បាល
ដេរជាច្រើនថ្នេរ ។ សមត្ថកិច្ចនគរបាលក្រុងកំពង់ឆ្នាំងបាននិយាយអោយដឹងថាៈ បុរសរងគ្រោះខាងលើនេះមានឈ្មោះយ៉ង់ សុភា អាយុ៣៦ឆ្នាំ មានទីលំនៅភូមិកំពង់អូស សង្កាត់ផ្សាឆ្នាំង ក្រុងកំពង់ឆ្នាំង ។បុរសរូបនេះបានជិៈម៉ូតូម៉ាកវីវ៉ា ពណ៏ខ្មៅពាក់ស្លាកលេខ កំពង់ឆ្នាំង 1A. 1695 ចំណែករថយន្តម៉ាកកាមរីឆ្លាមពណ៏ស្កពាក់ស្លាកលេខ ភ្នំពេញ 2k.4255 បើកបរដោយបុរសឈ្មោះ ដេត ចាន់ធឿន អាយុ៣៧ ឆ្នាំ មានទីលំនៅខេត្តកំពត ។
មុនពេលកើតហេតុ រថយន្តកាមរីឆ្លាមខាងលើបានធ្វើដំណើរទិសដៅពីភ្នំពេញទៅខេត្តបាត់ដំបង ក្នុងទិសដៅពីត្បូងទៅជើង លុះមកដល់ចំណុចកើតហេតុជាផ្លូវបែកជា៤ ស្រាប់តែមានជនរងគ្រោះខាងលើបានជិៈម៉ូតូក្នុងល្បឿនលឿនក្នុងទិសពីលិចទៅកើត ហើយក៏បានបុកចំទ្វារមុខខាងឆ្វេងរថយន្ត
បណ្តាលអោយអ្នកជិៈម៉ូតូបោកចំទ្វាក្រោយរថយន្តបែកក្បាល កំពិតទ្វារនិងបែកកញ្ចក់រថយន្ត ។ ក្រោយពេលកើតហេតុជនរងគ្រោះត្រូវបានគេដឹកយកទៅសង្គ្រោះនៅមន្ទីរពេទ្យខេត្ត ចំណែកម៉ូតូនិងរថយន្តត្រូវបាននាំមករក្សាទុកនៅអធិការនគរបាលក្រុងដើម្បីរង់ចាំការដោះស្រាយជាក្រោយ។ក្រោយពេលសម្របសម្រួលគ្នា ភាគីម៉ូតូរងគ្រោះដឹងខ្លួនខុស បានសុំអោយភាគីរថយន្តជួយចេញថ្លៃព្យាបាលខ្លះ ហើយភាគីរថយន្តមិនចង់វែងឆ្ងាយ បានព្រមសងថ្លៃព្យាបាល២០ម៉ឺនរៀលដើម្បីបញ្ចប់រឿង៕
